VOV4.Êđê- Hlăm wưng êgao, ti čar Dak Lak, klei ruă blĕ sruê dleh thâo đăo tĭng, ênoh mnuih ruă đĭ lu. Hŏng hdră “Gang hĭn kơ mkhư̆”, dhar bruă mdrao mgŭn čar Dak Lak ngă leh lu hdră êlan gang mkhư̆ čiăng bi hrŏ klei tưp lar, răng mgang klei suaih pral mnuih ƀuôn sang.

VOV4.Êđê- Klei ruă Zona jing sa hlăm dŭm klei ruă hlăm klĭt mâo mnuih ruă lu. Wăt tơdah amâo ngă huĭ hyưt ôh ƀiădah tơdah ƀuh hnui snăn bruă mdrao mgŭn bŏ hŏng dleh dlan, boh nik srăng ba lu klei kjham, hmăi kơ dŭm anôk mkăn hlăm asei mlei.

VOV4.Êđê - Dưi mkŏ mjing mơ̆ng thŭn 2012, êbeh 10 thŭn êgao, Êpul bi mguôp “Rông ba anak jăk” mơ̆ng êpul bruă phung mniê alŭ 1, să Dưng Knơ̆, kdriêk Lạc Dương, čar Lâm Đồng đru bi mlih klei mĭn phung mniê krĭng anei, đru kơ phung amai adei mâo klei găl kriê dlăng kơ pô, rông ba anak aneh jăk hĭn, mkŏ mjing gŏ sang đĭ kyar, đru mđĭ kyar bruă duh mkra ala ƀuôn mơ̆ng să krĭng taih kbưi.

VOV4.Êđê- Ti čar Kon Tum, klei ruă êngoh bi ƀlĕ êrah dôk mâo dleh dưi ksiêm dlăng hŏng ênoh mnuih ruă đĭ lu.

VOV4.Êđê- Knhal jih mlan 8 mrâo êgao, K’iăng Khua knŭk kna Lê Thành Long gĭt gai klei bi kƀĭn kơ bruă doh êƀăt mnơ̆ng ƀơ̆ng, kriê dlăng klei doh êƀăt mnơ̆ng ƀơ̆ng. Dŭm bruă rŭng răng mâo pô bi ala dŭm Phŭn dhar bruă lač, anăn jing klei djŏ mta ruă, sang mniê čŏng mâo, čhĭ mnia online, mnơ̆ng ƀơ̆ng hlăm êlan klông, mnơ̆ng ƀơ̆ng mâo klă phŭn agha, mnơ̆ng ƀơ̆ng čhĭ lu ti sang mnia leh anăn anôk čhĭ mnia điện tử…huĭdah srăng amâo doh êƀăt mnơ̆ng ƀơ̆ng.

VOV4.Êđê- Ti anăp klei arưp aram huĭ srăng bluh đĭ klei ruă tưp, boh nik klei ruă êngoh bi ƀlĕ êrah, mƀlĕ sruê, klei ruă čuh kô̆ kŏng đŏk, anôk bruă mdrao mgŭn Kon Tum dôk mtrŭt mđĭ hdră gang mkhư̆ čiăng kơ phung hđeh dưi nao sang hră hŏng klei êđăp ênang.

VOV4.Êđê- Klei ruă êngoh bi blĕ êrah mâo hlăm kluôm thŭn ƀiădah tưp lar pral, ktang hĭn hlăm yan hjan, hlăm brô mơ̆ng mlan 5 truh kơ mlan 11 grăp thŭn. Ară anei ti čar Dak lak, klei ruă Êngoh bi blĕ êrah dôk dleh dưi ksiêm dlăng hŏng ênoh mnuih ruă kjham đĭ lu.

VOV4.Êđê – Tlâo thŭn êgao, ti kdriêk Kon Plông, čar Kon Tum mâo leh êbeh 700 gưl mgei lăn. Klei mgei lăn mâo lu, mâo gưl mgei jih krĭng Lăn Dap Kngư, kwar Krah, ngă lu mnuih ƀuôn sang huĭ hyưt. Đăo knăl klei mgei lăn srăng lŏ dơ̆ng sui, dŭm gưl bruă sang čư̆ êa alŭ wăl leh anăn mnuih ƀuôn sang ti krĭng msăt mgei lăn kdriêk Kon Plông, čar Kon Tum dôk gĭr mđĭ klei dưi mdrơ̆ng, hdĭp sui hŏng klei mgei lăn.

VOV4.Êđê- Êa ksâo amĭ jing phŭn mnơ̆ng tŭ jăk hĭn kơ hđeh mrâo kkiêng leh anăn hđeh điêt. Anei jing mta mnơ̆ng tŭ jăk kơ hđeh mrâo kkiêng đĭ kyar kluôm ênŭm. Hlăm êa ksâo amĭ mâo dŭm mta mnơ̆ng dưi mdrơ̆ng hŏng klei ruă leh anăn mnơ̆ng tŭ jăk ngă djŏ klei čiăng hlăm asei mlei hđeh leh anăn răng mgang hđeh mơ̆ng klei ruă duam. Bruă brei hđeh mam amĭ jih hlăm 6 mlan akŏ thŭn leh anăn lŏ dơ̆ng brei mam truh hđeh ƀiă êdi 2 thŭn amâo djŏ knŏng tŭ dưn kơ hđeh ôh ƀiădah lŏ jăk kơ phung amĭ hlăm lu mta.

VOV4.Êđê- Anôk bruă kiă kriê klei ruă (CDC) čar Daklak mrâo hưn mâo sa čô mnuih djiê tal êlâo mơ̆ng klei ruă êngoh bi ƀlĕ êrah hlăm thŭn anei.