VOV4.Êđê- Tơdah lač kơ hdră blač mdrao, drei kreh bơ̆k bâo kơ aê mdrao blač yơh jing pô ba wĭt klei tŭ dưn mơ̆ng hdră blač, khăsnăn hdră blač brei mâo klei gĭr mơ̆ng sa êpul êya mâo lu phung aê mdrao, hlăm anăn mâo phung aê mdrao tlŏ êa drao bi krăn, bi pĭt, pô nao hnưm hĭn lehanăn wĭt hnui hĭn hlăm grăp blư̆ blač mdrao mnuih ruă.

VOV4.Êđê- Mrâo êgao, ti Cần Thơ, Êpul hgŭm mdrao klei ruă kboh Việt Nam bi hgŭm hŏng Sang êa drao sang hră gưl prŏng mdrao mgŭn Cần Thơ, sang êa drao prŏng gưl dlông Cần Thơ leh anăn sang êa drao prŏng mdrao kơ kboh ƀuôn prŏng Cần Thơ mkŏ mjing Klei bi kƀĭn kơ klei ruă hnơ̆ng êrah đĭ Việt Nam tal 6. Klei bi kƀĭn hưn mdah klei hưn răng huĭ hyưt kơ ênoh mnuih mâo klei ruă hnơ̆ng êrah đĭ hlăm mnuih 18 thŭn ti ala čar drei dôk đĭ, hmăi kơ hnơ̆ng klei suaih pral mnuih ƀuôn sang hlăm gưl thŭn mă bruă.

VOV4.Êđê - – Daklak hlăl mŭt hlăm yan hjan leh, jing wưng mâo klei găl êdi kơ kêč ƀloh đĭ lêč, ba hriê klei ruă êngoh bi ƀlĕ êrah.

VOV4.Êđê - Klei ruă hlăm klĭt dlô jing sa klei ruă huĭ hyưt êdi ti dlô kyua dŭm mta kman ngă, jing sa êpul klei ruă hlăm hệ thần kinh trung ương, mâo nanao hlăm grăp thŭn. Anei jing sa klei ruă kreh mâo wăt ti phung khua lehanăn phung hđeh, tơdah amâo hmao thâo lehanăn pral ba dŏng mdrao srăng ngă dŭm klei truh huĭ hyưt, msĕ si: Amâo jăk hlăm kŏ dlô, mâo êa hlăm klĭt dlô, bŏk hlăm klĭt dlô, ênah hlăm klĭt dlô… Kjham hĭn, klei ruă anei srăng truh kơ djiê kyua dleh bi êwa, bŏk klĭt dlô…

VOV4.Êđê - Yan mdei prŏng anei, phung hđeh Dak Lak srăng mâo klei găl nao hlăm adŭ mtô luê êa leh anăn bi hriăm klei thâo gang mkhư̆ mngăt hlăm êa amâo mă prăk dưi mkŏ mjing ti wăl mnuih ƀuôn sang.

VOV4.Êđê - Klei ruă êngoh bi ƀlĕ êrah dôk bluh đĭ ti čar Dak Nông hŏng giăm 500 čô ruă.

VOV4.Êđê- Lâm Đồng jing sa boh čar dôk mâo mnuih êngoh bi ƀlĕ êrah đĭ êdi, hŏng dŭm pluh čô hlăm sa hrue kăm, ka mâo ôh mnuih djiê.

VOV4.Êđê- Aguah mbruê 28/5, ti Hà Nội mkŏ mjing knăm bi klă klei kuôl kă đru kơ hdră Mđĭ hnơ̆ng kdrăp mdrao mgŭn ti sang êa drao K mơ̆ng knŭk kna Japon jing pô đru.

VOV4.Êđê- Klei ruă khŏ jing sa klei ruă kbiă hriê mơ̆ng kman huĭ hyưt êdi, hmăi truh kơ kŏ dlô klei mĭn. Ară anei, ka mâo hdră mdrao ôh tơdah mnuih ruă đĭ khŏ, 100% ênoh mnuih ruă srăng djiê. Kyua anăn, bruă pral gang mkhư̆ klei ruă hŏng vaccine amâo dah mta huyết thanh mdrơ̆ng hŏng klei asâo kĕ, miêu kuač jing bruă yuôm bhăn êdi, kñăm răng mgang klei suaih pral lehanăn klei hdĭp mnuih ruă.

VOV4.Êđê - Mơ̆ng mlan 3 truh ară anei, ênoh mnuih nao ksiêm mkă ti Sang êa drao kơ kŏ dlô čar Dak Lak đĭ nanao. Mta phŭn jing kyua yan adiê hlơr, adiê hjan mđiă mâo thâo ktuê dlăng ngă kơ lu mnuih ƀuh amâo jăk hlăm ai tiê, klei mĭn, hmăi kơ asei mlei, ai tiê.