VOV4.Êđê- Hlăm dŭm hruê êgao, ti dŭm sang êa drao mdrao hđeh ti ƀuôn prŏng Hồ Chí Minh mâo lu mnuih mâo klei ruă êngoh bi ƀlĕ êrah kjham. Phung hđeh nao đih mdrao hlăm boh klei kjham snăk, êrah amâo thâo êkŏ, kbiă êran hlăm êlan eh mơiêk, huĭ truh kơ djiê tơdah amâo hmao dŏng mdrao.

VOV4.Êđê- Mnơ̆ng ƀơ̆ng huă ti sang hră amâo djŏ knŏng jing sa kdrêč hlăm dŭm hdră bruă mơ̆ng sang hră ƀiădah klei anei lŏ hmăi truh kơ klei suaih pral, klei thâo, klei đĭ prŏng mơ̆ng phung hđeh sang hră. Kyua anăn, mbĭt hŏng bruă mtô bi hriăm, bruă rơ̆ng hnơ̆ng tŭ jăk hlăm mmông huă ƀơ̆ng kơ phung hđeh jing bruă klam yuôm bhăn, boh nik ti dŭm sang hră mâo hđeh dôk huă yang hruê dơ̆ng, dôk đih đăm. Ti gŭ anei, alum kơ ƀĭng găp mđing hmư̆ klei čih hưn lač mơ̆ng êpul čih klei mrâo kơ gru hmô mmông huă yang hruê kơ phung hđeh hriăm hră ti Sang hră phung hđeh điêt ƀuôn hgŭm Thành Nhất, ƀuôn prŏng Ƀuôn Ama Thuôt, čar Dak Lak.

VOV4.Êđê - Ti anăp klei bluh đĭ mơ̆ng klei ruă tưp COVID 19, anôk bruă mdrao mgŭn dŭm čar krĭng lăn dap kngư dôk gĭr pŏk ngă dŭm hdră msir gang mkhư̆, ksiêm dlăng klei ruă tưp, hlăk klei čiăng êrô êbat, hiu čhưn ênguê đĭ lu hlăm yan mdei prŏng thŭn anei.

VOV4.Êđê - Hruê 3/6, Sang êa drao prŏng krĭng lăn dap kngư lehanăn Anôk bruă Gene Solutions Lab siñê leh hră bi hdơr pŏk ngă hdră đru mơ̆ng yang ƀuôn hlăm bruă ksiêm bi mklă NIPT kơ phung mniê ba tian, đru mđĭ hnơ̆ng tŭ jăk ênoh mnuih Việt”.

VOV4.Êđê- Yan adiê dleh ktuê dlăng jing klei găl kơ dŭm mta kma ba klei ruă leh anăn lêč lar, boh nik hlăm mnơ̆ng ƀơ̆ng huă. Hŏng phung hđeh, tơdah êlan huă ƀơ̆ng adôk awăt, ênưih mâo klei ruă tian eh tơdah djŏ ƀơ̆ng hĕ mnơ̆ng ƀơ̆ng amâo doh, mâo kman. Klei ruă tian eh msĕ si amâo huĭ ôh ƀiădah tơdah amâo ksiêm mkă djŏ leh anăn hmao msir mgaih srăng truh kjham hmăi kơ klei suih pral leh anăn klei hdĭp phung hđeh. Kyua anăn, phung amĭ ama brei thâo hnưm kơ klei bi knăl hđeh mâo klei ruă tian, kriê dlăng, msir mgaih djŏ hdră čiăng gang mkhư̆ klei ruă truh kjham.

VOV4.Êđê- Klei ruă amâo jăk hlăm kŏ dlô jing sa mta klei ruă hlăm kŏ dlô kjham snăk, mâo lu klei amâo jăk kơ klei suaih pral mnuih ruă. Anei jing klei ruă brei mdrao nanao, jih klei hdĭp ƀiădah klei năng huĭ hyưt hĭn jing ară anei mâo lu mnuih ruă amâo hlue ngă ôh klei mdrao mgŭn, ngă kơ ruă amâo hlao leh anăn lŏ ruă lu hĭn, ngă kơ klei bi knăl klei ruă kjham hĭn.

VOV4.Êđê - Ênua mdrao mgŭn jing hră ênua dlăng kriê klei suaih pral mâo Kmnŭk kna mkŏ mjing, hluê ngă, amâo mâo mta kñăm ba wĭt boh tŭ kơ sa anôk bruă ôh. Anei jing hdră mtrŭn yuôm bhăn hlăm hdră đru kơ yang ƀuôn. Hruê 27/11/2024, Hdră bhiăn mkra mlih, thiăm bŏ dŭm mta hlăm Hdră bhiăn Ênua yang ƀuôn thŭn 2024 klă klơ̆ng mâo Anôk bruă kƀĭn ala bi mklă lehanăn dưi tŭ ba yua mơ̆ng hruê 01/7/2025 mjing leh boh kdrŭt yuôm bhăn hlăm bruă mkra mđĭ bruă kriê dlăng klei suaih pral mơ̆ng mnuih ƀuôn sang. Hdră bhiăn mâo lu mta mrâo, mđing truh kơ bruă pŏk mlar lehanăn mkra mđĭ klei tŭ dưi kơ mnuih ƀuôn sang nao hgŭm Ênua mdrao mgŭn.

VOV4.Êđê- Klei ruă êngoh ƀlĕ sruê truh kơ ară anei ka dưi mkhư̆ jih khădah Phŭn bruă mdrao mgŭn mtrŭn leh mlan dưi tlŏ mgang klei ruă ƀlĕ sruê kơ phung hđeh trŭn mơ̆ng 6 mlan kơ aruăt tal êlâo, ară anei khădah ka truh mlan 6 grăp thŭn kreh mâo klei ruă jơ̆ng kngan ƀăng êgei, klei ruă êngoh bi ƀlĕ êrah, ênoh mnuih ruă mâo klei bi êdah đĭ lu khădah ka truh yan hjan. Ti anăp klei ruă anei dôk mâo dleh dưi ksiêm dlăng, Ƀuôn prŏng Hồ Chí Minh dôk mdrơ̆ng hŏng lu hdră čiăng mkhư̆ klei “Klei ruă bluh mâo mtŭk mtŭl” ba klei ktrŏ kơ anôk bruă mdrao mgŭn.

VOV4.Êđê- Hlăm wưng êgao, ênoh mnuih ƀlĕ sruê ti Lâm Đồng đĭ lu, hŏng giăm 1000 čô.

VOV4.Êđê- Klei ruă ƀlĕ sruê ăt dôk mâo dleh ktuê dlăng hlăm kluôm ala, hlăm anăn ăt mâo ti čar Dak Lak. Čiăng pral dưi ktuê dlăng klei ruă tưp, mkhư̆ jih hnơ̆ng ênoh mnuih ruă, djiê, bruă mdrao mgŭn čar Dakk Lak pral, gĭr hlue ngă bi jăk klei gĭt gai mơ̆ng Khua knŭk kna, Phŭn bruă mdrao mgŭn, Knơ̆ng bruă sang čư̆ êa čar Dak Lak hlăm bruă gang mkhư̆ klei ruă tưp, hrui mƀĭn, mdrao mgŭn phung ruă.