VOV4.Êđê- Aguah hruê 22/12, Êpul phung aê mdrao mda asei čar Dak Lak mkŏ mjing Klei bi kƀĭn tal 4. Mta kñăm mơ̆ng êpul hlăm wưng êgao čiăng mđĭ lar hdră ba anăp kyua klei suaih pral êpul êya, mtrŭt mđĭ hdră mă bruă mơ̆ng Êpul phung aê mdrao mda asei ti alŭ wăl.

VOV4.Êđê- Tưp mơ̆ng amĭ kơ anak jing 1 hlăm 3 êlan tưp mơ̆ng HIV. Kyuanăn hŏng phung mniê djŏ HIV, klei čiăng mâo kơ sa čô anak suaih pral jing klei hmăng hmưi prŏng êdi. Hdră čiăng jing sa čô amĭ amâo mâo ênưih ôh, kyua diñu tuôm hŏng lu klei dleh kpăk mơ̆ng klei ruă. Ƀiădah, dŭm thŭn giăm anei, kyua bruă mdrao mgŭn mraqao mrang đĭ kyar, phung mniê djŏ HIV amâodah wăt gŏ sang mâo amĭ, ama djŏ HIV dưi kkiêng anak suaih pral hŏng bruă čŏng pô nao kơ anôk bruă mdrao mgŭn čiăng dưi mâo klei kčĕ, mdrao mkăp kluôm dhuôm, đru bi hrŏ jing hnơ̆ng klei tưp HIV mơ̆ng amĭ mtưp kơ anak.

VOV4.Êđê - Anôk bruă ksiêm duah klei ruă čar Gia lai mrâo čih yap mâo thiăm sa čô djiê kyua klei ruă asâo miêo khŏ kĕ ti kdriêk Čư̆ Sê, mđĭ ênoh mnuih djiê kyua asâo miêo khŏ kĕ ti Gia Lai đĭ 13 čô, lu hĭn kluôm ala mơ̆ng akŏ thŭn truh ară anei.

VOV4.Êđê- Hlue si ênoh mrô ksiêm dlăng mơ̆ng Anôk bruă ktuê dlăng klei ruă (CDC) čar Dak Lak, yap truh hruê 12/12/2023, kluôm čar čih yap mâo giăm 5000 čô êngoh bi ƀlĕ êrah, hlăm anăn mâo 6 čô djiê. Klei năng rŭng răng, hlăm phung djiê, mâo truh 4 čô hđeh ti gŭ 15 thŭn. Kyua anăn, phung amĭ ama brei thâo răng jih hnơ̆ng, boh nik hŏng phung hđeh ktrŏ knăng, hđeh mâo klei ruă êlâo tơdah êngoh bi ƀlĕ êrah ênưih truh kjham ba klei huĭ hyưt kơ klei suaih pral leh anăn klei hdĭp hđeh…

VOV4.Êđê - Phung hđeh khăng mâo klei mâo thâo dôk sa anôk leh anăn dleh thâo dôk sa anôk, ƀiădah tơdah hlăp lêñ êgao hnơ̆ng dưi ksiêm dlăng snăn anăn jing klei bi knăl mơ̆ng hđeh hrŏ klei thâo mđing - sa klei amâo jăk hriê kơ prŏng khăng mâo mơ̆ng hđeh mơ̆ng 3 truh 11 thŭn, brei hnưm dưi thâo ƀuh leh anăn hmao msir mgaih, ñĕ hmăi kơ bruă ngă, klei mĭn leh anăn klei hdĭp hđeh êdei anăp.

VOV4.Êđê-Hluê Aê mdrao Phạm Hoài An, Sang êa drao prŏng Thiện Hạnh, čar Dak Lak, tlam hruê 22/11, Adŭ mdrao mjêč Sang êa drao mrâo mdrao 17 čô hđeh mâo klei bi êdah ƀơ̆ng djŏ mnơ̆ng ruă.

VOV4.Êđê- Klei ruă mâo mta mmih hlăm êrah jing klei ruă huĭ hyưt hŏng ênoh mnuih djiê lu dôk tal 3 dlông rŏng lăn, knŏng êdei klei ruă brŭ leh anăn kboh. Klei ruă mâo mta mmih hlăm êrah tơdah amâo hmao ƀuh leh anăn hmao mdrao mgŭn srăng ba lu klei truh kjham ngă kơ mnuih ruă êwiên êwu leha năn tuôm hŏng lu klei amâo jăk kơ klei suaih pral, klei hdĭp. Khădah snăn, klei năng huĭ hyưt jing klei ruă anei knŏng thâo tơdah ƀuh klei ruă truh leh kjham kơ kboh, mmăt ală mta, toh hroh boh ƀleh, brŭ kđiêng jơ̆ng, kngan…

VOV4.Êđê- Hluê si klei hưn mơ̆ng anôk bruă ksiêm dlăng klei ruă tưp čar Dak Lak, ti alŭ wăl mrâo lŏ mâo sa čô hđeh djiê kyua klei ruă jơ̆ng, kngan, ƀăng êgei.

VOV4.Êđê - Leh wưng dleh dlan kyua kƀah êa drao leh anăn kdrăp mdrao mgŭn, dua mlan êgao, dua anôk bruă mdrao mgŭn Krông Ƀuk dôk iêô jak lu phung ruă duam nao ksiêm mkă leh anăn mdrao mgŭn. Anei jing sa hlăm ênoh ƀiă anôk bruă ti čar Dak Lak ruh mtlaih klei dleh dlan jing klei kƀah êa drao leh anăn kdrăp mdrao mgŭn, ngă jăk bruă klam kriê dlăng klei suaih pral yang ƀuôn.

VOV4.Êđê- Tĭng truh kơ hruê 30/10, čar Gia Lai mâo 12 čô djiê kyua klei ruă khŏ mơ̆ng thŭn 2023.