Pô bruă jing mniê k’kiêng thŭn 1976, ti alŭ Čư̆ Bang, să Čư̆ Pơ̆ng, kdriêk Krông Ƀŭk. Hluê si gŏ sang pô ruă, hruê 9/10 pô anei mâo klei êngoh hlơr, êgah êmăn hlăm asei mlei leh anăn čŏng blei êa drao mnăm ƀiădah amâo mâo lưh êngoh.

Mơ̆ng hruê 10 – 14/10, dưi ba nao mdrao ti anôk bruă mdrao mgŭn knơ̆ng bruă kphê 15, Sang êa drao Hoà Bình, wăl krah Ƀuôn Hồ, sang êa drao prŏng Thiện Hạnh leh anăn sang êa drao prŏng Lăn Dap Kngư. Hlăm dŭm anôk mdrao mgŭn, pô ruă dưi đăo knăl djŏ Êngoh bi blĕ êrah Dengue mbĭt hŏng klei êmŏng leh anăn kbiă êa hlăm kboh, hnơ̆ng êrah hrŏ. Yap truh hruê 17/10, čar Dak Lak mâo êbeh 5.000 čô Êngoh bi blĕ êrah, hlăm anăn mâo 3 čô djiê.