Mđing hmư̆ klei wĭt lač ti anôk êmuh, K’iăng khua knŭk kna Lê Thành Long mâo leh klei blŭ bi mklă wưng leh êgao bruă mdrao mgŭn mâo leh lu klei gĭr lehanăn ba wĭt lu klei tŭ dưn mơh hlăm bruă dlăng kriê klei suaih pral mnuih ƀuôn sang, boh nik hlăm klei mdrơ̆ng hŏng klei ruă tưp.

Ƀiădah, ăt adôk lu mơh klei ka djŏ, ka dưi mghaih msir, msĕ si klei kƀah êa drao, kƀah kdrăp mdrao mgŭn, êmưt hlăm klei mghaih msir lu mta bruă. K'iăng khua knŭk kna brei thâo, knŭk kna hlăk dôk mđing, lehanăn gĭt gai jih hnơ̆ng phŭn dhar bruă mdrao mgŭn alŭ wăl djŏ tuôm hlue ngă jih jang bruă mghaih msir hnơ̆ng tŭ bruă dlăng kriê klei suaih pral mnuih ƀuôn sang./.