VOV4.Êđê- Ti anăp klei dleh ktuê dlăng mơ̆ng klei ruă asâo miêo khŏ kĕ hlăm wưng êgao hlăk ka bŏ 3 mlan akŏ thŭn mâo leh 4 čô djiê kyua klei ruă asâo miêo khŏ kĕ, tlam 20-3, Knơ̆ng bruă sang čư̆ êa čar Dak Lak mkŏ mjing Klei bi kƀĭn online kñăm ksiêm dlăng kơ boh klei gang mkhư̆ klei ruă khŏ hlăm hlô mnơ̆ng ti čar.

VOV4.Êđê- Klei ruă brŭ ksâo jing klei ruă brŭ khăng mâo hlăm phung mniê. Anei jing ăt jing klei phung amai adei mniê mđing, kyua hlue si klei ksiêm yap mơ̆ng Êpul bruă mdrao klei ruă brŭ kluôm rŏng lăn, thŭn 2018, Việt Nam mâo 15 êbâo čô mâo klei ruă brŭ ksâo, mâo 9,2% leh anăn êbeh 6000 čô djiê kyua klei ruă brŭ ksâo. Wăt tơdah mâo lu ƀiădah klei ruă dưi mdrao hlao tơdah thâo ƀuh hnưm leh anăn hmao mdrao mgŭn. Kyua anăn, bruă pral ktuê dlăng, thâo ƀuh hnưm klei ruă brŭ ksâo mâo bruă klam yuôm bhăn hlăm bruă mđĭ klei tŭ dưn mdrao mgŭn ăt msĕ mơh gang mkhư̆ klei ruă anei.

VOV4.Êđê - Hur har, jih ai tiê kơ bruă, 20 thŭn êgao, Nai êa drao Nguyễn Thị Hiền - Khua anôk bruă mdrao mgŭn să Êa Kiết, kdriêk Čư̆ Mgar, čar Dak Lak jing sa čô mâo knhuah hdĭp lehanăn knhuah mă bruă jăk, gĭr tui ksiêm hriăm čiăng mđĭ klei thâo kơ bruă. Amai jing leh gru mngač kơ sa čô nai aê mdrao jih ai tiê kyua mnuih ruă, mâo ƀĭng găp mă bruă lehanăn mnuih ƀuôn sang khăp čiăng.

VOV4.Êđê- Hlăm wưng êgao, mbĭt hŏng ao mtah ba anăp, ao blu kô̆ mơ̆ng phung aê mdrao ba anăp jing leh sa mta ao juăt mưng, jĕ giăm lehanăn h’uh mđao hŏng mnuih ƀuôn sang, boh nik ti dŭm să taih kbưi, krĭng dleh dlan mơ̆ng čar Dak Lak.

VOV4.Êđê - Ƀri bi hdơr 69 thŭn Hruê phung aê mdrao Việt Nam, hruê mbruê (27/2), Knơ̆ng bruă mdrao mgŭn čar Dak Lak mkŏ mjing klei bi trông kñăm bi hdơr knhuang êlan kdrưh kơăm mơ̆ng bruă mdrao mgŭn hlăm klei kriê dlăng, răng mgang klei suaih pral mnuih ƀuôn sang hlăm dŭm thŭn êgao.

VOV4.Êđê- Boh tâo lăng hlăm boh ƀleh jing sa klŏ khăng, mâo kyua mta amâodah hra axit bi klŏ hlăm êa mơiêk. Boh tâo lăng hlăm boh ƀleh tơdah mâo srăng dôk hlăm boh ƀleh amâodah nao ti êlan mơiêk. Klei ruă boh tâo lăng hlăm boh ƀleh tơdah amâo thâo ƀuh leh anăn mdrao hnưm srăng ba lu klei huĭ hyưt.

VOV4.Êđê - Dăl hlăm hƀuê ênuk dua hdră kdơ̆ng mblah hŏng Prăng lehanăn Mi, Lĭng kahan yang ƀuôn Lao lehanăn Lĭng kahan yang ƀuôn Việt Nam hrăm mbĭt hgŭm mguôp, bi kdơ̆ng mblah suă wĭt klei êđăp ênang, hnŭk êngiê, răng mgang klei dưi kiă kriê kluôm ênŭm krĭng knông lăn mơ̆ng dua ala čar. Leh hruê dưi mblah jih phung roh, lĭng kahan dua ala čar Việt Nam lehanăn Lao amâo djŏ knŏng mđĭ hdră bi hgŭm mơ̆ng sui hŏng anei plah wah dua êpul kahan ƀiădah lŏ đru mtrŭt mđĭ hdră bi hgŭm tŭ dưn hlăm bruă ksiêm hriăm kreh knhâo, boh nik hlăm bruă mdrao mgŭn lĭng kahan dua ala čar mâo leh klei bi hgŭm hluê ngă tŭ dưn hdră mdrao ghép tạng tal êlâo, pŏk hdră mrâo hlăm bruă dlăng kriê klei suaih pral mnuih ƀuô

VOV4.Êđê- Klei ruă êrah đĭ jing sa klei ruă kreh mâo amâo djŏ knŏng mâo ti mnuih khua thŭn ƀiădah ară anei, klei ruă anei dôk mâo lu hlăm êpul mnuih mda asei. Klei ruă êrah đĭ dưi lač jing sa klei ruă mdjiê mnuih hŏng klei ñăt kriêp lehanăn ba lu klei truh huĭ hyưt kơ mnuih ruă, boh nik mâo êbeh 50% ênoh mnuih mâo klei ruă êrah đĭ amâo thâo ôh pô mâo klei ruă anei. Kyua anăn bruă hmao ƀuh lehanăn pral dŏng mdrao jing yuôm bhăn êdi čiăng gang mkhư̆ klei truh huĭ hyưt mơ̆ng klei ruă anei:

VOV4.Êđê - Jing sa mta mrâo mâo klei tưp lar prak, JN.1 jing mta phŭn mđĭ ênoh phung djŏ leh anăn djiê ti đa đa ala čar, hlăm anăn mâo krĭng Ngŏ Dhŭng Asi. Ti Việt Nam, boh tŭ mblang mrô gen giăm 20 čô djŏ Covid-19 mrâo êgao mâo phug djŏ mta Omicron JN.1. Jih jang phung anei čih yap mâo klei ruă kjham leh năn ka djŏ ênŭm aruăt vaccine hlue si klei mtă. Năng huĭ jing ênoh phung nao đih mdrao kyua Covid-19 ti dŭm anôk mdrao mgŭn mâo klei bi knăl đĭ hlăm dŭm hruê giăm anei, brei bruă mdrao mgŭn leh anăn mnuih ƀuôn sang amâo ngă ngơi mang, luč klei răng hlăk êjai klei čiăng êrô êbat, găn êrô đĭ hlăm gưl Tết nguyên đán.

VOV4.Êđê - Bi mklă bruă amâo rơ̆ng klei doh êƀăt mnơ̆ng dhơ̆ng amâo djŏ knŏng hmăi truh kơ klei suaih pral mnuih ƀuôn sang ƀiădah lŏ hmăi truh kơ hdră mđĭ kyar bruă duh mkra – ala ƀuôn mơ̆ng alŭ wăl. Čiăng kơ mnuih ƀuôn sang drông Têt djuê ana Giáp Thìn lehanăn m’ak Yan mnga êđăp ênang, rơ̆ng klei suaih pral, Knơ̆ng gĭt gai mlir dhar bruă kơ klei doh êƀăt mnơ̆ng dhơ̆ng čar Dak Lak hlăk lehanăn dôk pŏk ngă kjăp hdră rơ̆ng klei doh êƀăt mnơ̆ng dhơ̆ng ti alŭ wăl čar.