Ênoh mnuih djŏ klei ruă Êngoh bi blĕ êrah ăt đĭ lu. Dhar bruă mdrao mgŭn čar Dak Lak dôk mđĭ hĭn dŭm hdră êlan ksiêm dlăng dŭm anôk mâo klei ruă leh anăn mtrŭt mđĭ bruă hâo hưn gang mkhư̆ klei ruă tưp anei. Hluê si Anôk bruă ksiêm dlăng klei ruă tưp čar Dak Lak, mơ̆ng akŏ thŭn truh kơ ară anei, hlăm čar mâo giăm 4.400 čô mâo klei ruă Êngoh bi blĕ êrah, hlăm anăn mâo 2 čô djiê. Ênoh mnuih ruă lu hĭn hlăm mlan 8 leh anăn mlan 9 hŏng giăm 4000 čô.

Ƀuôn prŏng Ƀuôn Ama Thuôt leh anăn kdriêk Čư̆ Mgar jing 2 alŭ wăl mâo ênoh mnuih ruă Êngoh bi blĕ êrah lu hĭn. Ti anăp klei dleh dưi ksiêm dlăng mơ̆ng Êngoh bi blĕ êrah, dhar bruă mdrao mgŭn Dak Lak mtrŭt mđĭ bruă bi mguôp hŏng dŭm knơ̆ng, dhar bruă, alŭ wăl čiăng mgaih msir, bi doh wăl hdĭp mda ti dŭm anôk mâo klei ruă, bi kluôm êpul gĭt gai gang mkhư̆ klei ruă tưp leh anăn mđĭ hĭn bruă ksiêm dlăng dŭm anôk mâo klei ruă čiăng hmao gĭt gai mgaih msir.