VOV4.Êđê- Ti Gia Lai, ară anei ênoh hđeh hriăm hră, sinh viên nao hgŭm blei ênua mdrao mgŭn knŏng mâo hlăm brô 90%. Adôk 22 êbâo čô hđeh hriăm hră, sinh viên ka mâo klei găl nao hgŭm blei ênua mdrao mgŭn.

VOV4.Êđê- Klei ruă ală hrah dôk bluh đĭ ti čar Gia Lai hŏng êbeh 3000 čô djŏ knŏng hlăm êbeh sa mlan anei. Dhar bruă mdrao mgŭn mtă kơ mnuih ƀuôn sang hluê ngă dŭm hdră êlan gang mkhư̆, boh nik hŏng phung hđeh ti dŭm sang hră, čiăng bi hrŏ jih hnơ̆ng klei tưp lar.

VOV4.Êđê- Ară anei phung hđeh djŏ klei ruă jơ̆ng kngan ƀăng êgei dôk đĭ lu. Êjai anăn ka mâo ôh vaccine gang mkhư̆ leh anăn hdră mdrao mgŭn tŭ dưn hĭn. Čiăng kơ phung amĭ ama thâo săng klă kơ klei ruă anei leh anăn thâo ƀuh hnưm dŭm klei bi knăl klei ruă nao kơ kjham, hmao ba hđeh nao sang êa drao, bi hrŏ klei jhat, êpul phung čih klei mrâo kơ kdrêč mâo klei blŭ hrăm hŏng Nai Prĭn, aê mdrao Trần Thị Thúy Minh – khua kiă anôk mdrao kơ hđeh điêt, sang êa drao prŏng krĭng Lăn Dăp Kngư

VOV4.Êđê- Hluê si klei hưn mơ̆ng Anôk bruă ksiêm dlăng klei ruă tưp čar Gia Lai, mơ̆ng akŏ thŭn truh kơ ară anei, kluôm čar mâo 3.100 čô ruă êngoh bi ƀlĕ êrah, hlăm anăn mâo 1 čô djiê.

VOV4.Êđê- Wưng giăm anei, klei ruă ală hrah ti čar Dak Lak dleh ktuê dlăng hŏng hnơ̆ng tưp lar pral. Ênoh mnuih ruă ală hrah lu jing hđeh sang hră ngă kơ hdră gang mkhư̆ tuôm hŏng dleh dlan hlăk hđeh mrâo mŭt hlăm thŭn hriăm mrâo.

VOV4.Êđê- Klei ruăală hrah dleh dưi ksiêm dlăng ti Gialai hŏng êbeh 3000 čô mnuih ruă knŏng hlăm wang êbeh sa mlan hŏng anei.

VOV4.Êđê-Knơ̆ng bruă mdrao mgŭn čar Kon Tum mâo hră mtrŭn mơĭt kơ dŭm knơ̆ng, dhar bruă djŏ tuôm, bruă sang čư êa 10 kdriêk, ƀuôn prŏng hlăm čar, dŭm anôk bruă djŏ tuôm leh anăn sang êa drao ti alŭ wăl brei čŏng pô, mđĭ hĭn bruă gang mkhư̆ klei ruă ală hrah.

VOV4.Êđê- Dŭm thŭn êgao, phung nai aê mdrao Lĭng kahan răng mgang knông lăn čar Quảng Nam mâo leh lu hdră mă bruă čiăng mđing dlăng kriê klei suaih pral, mdrao mgŭn kơ dŭm êbâo čô ruă krĭng knông lăn. Phung aê mdrao lĭng kahan răng mgang knông lăn Quảng Nam lŏ ksiêm mkă dlăng, mdrao klei ruă kơ mnuih ƀuôn sang čar Sê Kông, Lào.

VOV4.Êđê- Ti čar Kon Tum, klei ruă ală hrah dôk đĭ lar pral hlăm sang hră ngă amâo djŏ ƀiă phung hđeh dôk ti sang mdrao mgŭn.

VOV4.Êđê- Ală amâo jăk thâo ƀuh jing klei êka kơ ală amâodah dŭm mta klei ruă kơ ală ngă kơ ală amâo mngač leh anăn hnơ̆ng dlăng awăt ba lu klei dleh dlan kơ mnuih ruă hlăm klei hdĭp mda, mă bruă, hriăm hră, ăt msĕ mơh êrô êbat. Bi hrŏ klei dưi thâo ƀuh hlăm lu boh klei tơdah bliah hnưm srăng hlao, khădah snăn kyua anei jing klei ruă khăng mâo ƀrư̆ ƀrư̆ anăn lu mnuih amâo mđing, thâo ƀuh ti wưng hnui ngă kơ ală bum hlŏng lar, amâo thâo hlao ôh.