Pô ruă anăn kkiêng thŭn 2013, ti ƀuôn hgŭm Thành Công, ƀuôn prŏng Buôn Ma Thuột, čar Daklak. Tui si mnuih hlăm sang pô ruă hưn, hrue 10/8, mnuih ruă mâo klei bi knăl đĭ êngoh hlơr amâo mâo lưh, snăn ba kơ sang êa drao hđeh Đức Tâm mdrao. Hrue 14/8, klei ruă đuĕ nao kjham, lŏ ba kơ sang êa drao krĭng lăn dap kngư, mkă dlăng kơ anăn jing mâo klei ruă êngoh bi ƀlĕ êrah mơ̆ng kman Dengue. Hrue 15/8 mnuih ruă toh hroh kjham hĭn lehanăn djiê.

Leh hmư̆ hưn mâo mnuih djiê kyua klei ruă êngoh bi ƀlĕ êrah, CDC bi mguôp leh hŏng anôk bruă mdrao mgŭn ƀuôn prŏng Buôn Ma Thuột ngă klei krih êa drao mdjiê kêč ƀloh hlăm alŭ wăl mâo mnuih ruă djiê. Mơ̆ng akŏ thŭn 2024 truh ară anei, čar Daklak mâo leh truh 1.453 čô mnuih mâo klei ruă êngoh bi ƀlĕ êrah, hlăm anăn mâo sa čô mnuih djiê./.