Mơ̆ng akŏ thŭn truh kơ ară anei, čar Kon Tum mâo 33 anôk mâo klei ruă Êngoh bi blĕ êrah hŏng êbeh 160 čô djŏ klei ruă, mkă hŏng wưng anei thŭn dih đĭ 10 anôk mâo klei ruă leh anăn đĭ 98 čô ruă. Ară anei Êngoh bi blĕ êrah ti čar Kon Tum dôk đĭ lar pral. Msĕ ti kdriêk Kon Plông, dŭm thŭn êlâo ka tuôm mâo klei ruă, ară anei mâo 4 anôk mâo Êngoh bi blĕ êrah.

Bi ti kdriêk Kon Braih mâo leh êbeh 110 čô djŏ klei ruă Êngoh bi blĕ êrah, lu hĭn hlăm dŭm kdriêk, ƀuôn prŏng ti čar Kon Tum wăt kơ mâo leh klei čŏng pô gang mkhư̆ klei ruă tưp. Čar Kon Tum mkŏ mjing leh êpul gĭt gai gang mkhư̆ klei ruă tưp dŭm gưl, mkăp ngăn prăk, kdrăp yua mdrao mgŭn, hâo hưn kơ bruă gang mkhư̆ klei ruă Êngoh bi blĕ êrah kơ giăm 26.000 gưl čô mnuih ƀuôn sang, mkŏ mjing êbeh 2.200 gưl trŭn kơ bruă mdjiê hluăt lŏk.