Tui si anôk bruă kiă kriê klei ruă (CDC) čar daklak mnuih ruă jing sa čô hđeh mniê, kkiêng thŭn 2016, ti să Ea Hồ, kdriêk Krông Năng. Tui si pô sang, hrue 17/7, hđeh anăn mâo klei êngoh hlơr, ruă kŏ, ba nao kơ sang êa drao kdriêk Krông Năng.

Truh hrue 20/7, hđeh anăn lŏ ba kơ sang êa drao prŏng krĭng lăn dap kngư mkă dlăng thâo kơ klei ruă dlô. Hrue 25/7, leh mkă dlăng ƀuh hđeh mâo kman hŏng klei ruă dlô Nhật Bản. Anôk bruă mdrao mgŭn kdriêk Krông Năng nao bi mdoh mdjiê kman jŭm sang mnuih ruă, lehanăn mâo klei hâo hưm mtă mtăn kơ mnuih ƀuôn sang riêng gah, mâo hdră răng mgang./.