VOV4.Êđê- Klei ruă khŏ jing sa klei ruă kbiă hriê mơ̆ng kman huĭ hyưt êdi, hmăi truh kơ kŏ dlô klei mĭn. Ară anei, ka mâo hdră mdrao ôh tơdah mnuih ruă đĭ khŏ, 100% ênoh mnuih ruă srăng djiê. Kyua anăn, bruă pral gang mkhư̆ klei ruă hŏng vaccine amâo dah mta huyết thanh mdrơ̆ng hŏng klei asâo kĕ, miêu kuač jing bruă yuôm bhăn êdi, kñăm răng mgang klei suaih pral lehanăn klei hdĭp mnuih ruă.

VOV4.Êđê - Mơ̆ng mlan 3 truh ară anei, ênoh mnuih nao ksiêm mkă ti Sang êa drao kơ kŏ dlô čar Dak Lak đĭ nanao. Mta phŭn jing kyua yan adiê hlơr, adiê hjan mđiă mâo thâo ktuê dlăng ngă kơ lu mnuih ƀuh amâo jăk hlăm ai tiê, klei mĭn, hmăi kơ asei mlei, ai tiê.

VOV4.Êđê- Dua hruê knhal jih hruê kăm êgao, ti krĭng lăn dap kngư mâo 3 klei djiê mngăt hlăm êa ngă 8 čô hđeh djiê.

VOV4,Êđê - Aguah mbrue 16/5, Bruă Đảng čar Gia Lai mkŏ mjing leh klei bi kƀĭn ksiêm wĭt 15 thŭn hlue ngă asăp mtrŭn mrô 38 mơ̆ng êpul khua kiă kriê bruă Đảng kơ klei mđĭ hĭn bruă mkăp hră ênua bruă mdrao mgŭn hlăm boh klei mrâo.

VOV4.Êđê - Hruê 15/5, Phŭn bruă mdrao mgŭn bi klă leh hdră mtrŭn mkăp hră yua 3 mta vaccin mrâo jing vaccin klei ruă êngoh bi ƀlĕ êrah, gang mkhư̆ klei ruă zona thần kinh leh anăn vaccine gang mkhư̆ klei ruă ksŏ.

VOV4.Êđê- Klei ruă mmao jhat ti klĭt hri asăr ală jing klei ruă mâo kman ti klĭt êngao asăr ală mâo mbĭt hŏng mmao jhat ti klĭt ală. Tơdah amâo pral dưi dŏng mdrao, mnuih ruă dlăng amâo lŏ mngač, đa hlŏng truh kơ bum ală.

VOV4.Êđê- Hruê mbruê 13/5, ti anôk bruă knŭk kna, k’kiăng Khua knŭk kna Trần Hồng Hà drông leh nai prĭn Saia Ma’u Piukala, Khua kiă kriê Êpul bruă mdrao mgŭn tar rŏng lăn (WHO) ti Pacific.

VOV4.Êđê - Kơrŭ wĭt klei suaih pral jing sa hlăm dŭm bruă ngă leh, leh anăn dôk đru sa kdrêč yuôm bhăn hlăm hdră kơrŭ wĭt klei suaih pral kơ phung ruă, Kơrŭ wĭt klei suaih pral djŏ hdră đru mđĭ leh anăn kơrŭ wĭt dŭm mta hmăi djŏ kyua klei truh, amâodah mơ̆ng klei ruă mkăn ngă msĕ si mčah aruăt êrah dlô, kboh, klei ruă hlăm klang, kŏ dlô… ngă. Hdră anei dưi ngă mbĭt hŏng klei gang mkhư̆ leh anăn mdrao klei ruă kñăm mđĭ boh tŭ mdrao mgŭn, bi hrŏ klei lŏ mâo klei ruă leh mdrao mgŭn, đru gang mkhư̆ klei êwiên êwu.

VOV4.Êđê- Jih ai tiê hŏng bruă, hŏng mnuih ruă, Aê mdrao Y Hồng Nga mă bruă ti Anôk bruă mdrao mgŭn kdriêk Kon Braih, čar Kon Tum mâo mnuih ruă lehanăn ƀĭng mă bruă mbĭt khăp čiăng. Pô čih klei mrâo Khoa Điềm, mâo klei yăl dliê kơ Y Hồng Nga, aê mdrao mnuih djuiê ana Sedang jih ai tiê kyua mnuih ruă ti kdriêk Kon Braih, čar Kon Tum.

VOV4.Êđê- Anei jing klei hâo hưn mơ̆ng Êpul hgŭm bruă mdrao mgŭn tar rŏng lăn (WHO) lẻhanăn keh hđeh êlăk mơ̆ng êpul hgŭm lu ala čar (UNICEF) brei thâo, ƀri bi hdơrr hrue kăm tlŏ mgang dlông rŏng lăn (24-30/4).