VOV4.Êđê- Hlue si ênoh mrô ksiêm dlăng mơ̆ng Anôk bruă ktuê dlăng klei ruă (CDC) čar Dak Lak, yap truh hruê 12/12/2023, kluôm čar čih yap mâo giăm 5000 čô êngoh bi ƀlĕ êrah, hlăm anăn mâo 6 čô djiê. Klei năng rŭng răng, hlăm phung djiê, mâo truh 4 čô hđeh ti gŭ 15 thŭn. Kyua anăn, phung amĭ ama brei thâo răng jih hnơ̆ng, boh nik hŏng phung hđeh ktrŏ knăng, hđeh mâo klei ruă êlâo tơdah êngoh bi ƀlĕ êrah ênưih truh kjham ba klei huĭ hyưt kơ klei suaih pral leh anăn klei hdĭp hđeh…

VOV4.Êđê - Phung hđeh khăng mâo klei mâo thâo dôk sa anôk leh anăn dleh thâo dôk sa anôk, ƀiădah tơdah hlăp lêñ êgao hnơ̆ng dưi ksiêm dlăng snăn anăn jing klei bi knăl mơ̆ng hđeh hrŏ klei thâo mđing - sa klei amâo jăk hriê kơ prŏng khăng mâo mơ̆ng hđeh mơ̆ng 3 truh 11 thŭn, brei hnưm dưi thâo ƀuh leh anăn hmao msir mgaih, ñĕ hmăi kơ bruă ngă, klei mĭn leh anăn klei hdĭp hđeh êdei anăp.

VOV4.Êđê-Hluê Aê mdrao Phạm Hoài An, Sang êa drao prŏng Thiện Hạnh, čar Dak Lak, tlam hruê 22/11, Adŭ mdrao mjêč Sang êa drao mrâo mdrao 17 čô hđeh mâo klei bi êdah ƀơ̆ng djŏ mnơ̆ng ruă.

VOV4.Êđê- Klei ruă mâo mta mmih hlăm êrah jing klei ruă huĭ hyưt hŏng ênoh mnuih djiê lu dôk tal 3 dlông rŏng lăn, knŏng êdei klei ruă brŭ leh anăn kboh. Klei ruă mâo mta mmih hlăm êrah tơdah amâo hmao ƀuh leh anăn hmao mdrao mgŭn srăng ba lu klei truh kjham ngă kơ mnuih ruă êwiên êwu leha năn tuôm hŏng lu klei amâo jăk kơ klei suaih pral, klei hdĭp. Khădah snăn, klei năng huĭ hyưt jing klei ruă anei knŏng thâo tơdah ƀuh klei ruă truh leh kjham kơ kboh, mmăt ală mta, toh hroh boh ƀleh, brŭ kđiêng jơ̆ng, kngan…

VOV4.Êđê- Hluê si klei hưn mơ̆ng anôk bruă ksiêm dlăng klei ruă tưp čar Dak Lak, ti alŭ wăl mrâo lŏ mâo sa čô hđeh djiê kyua klei ruă jơ̆ng, kngan, ƀăng êgei.

VOV4.Êđê - Leh wưng dleh dlan kyua kƀah êa drao leh anăn kdrăp mdrao mgŭn, dua mlan êgao, dua anôk bruă mdrao mgŭn Krông Ƀuk dôk iêô jak lu phung ruă duam nao ksiêm mkă leh anăn mdrao mgŭn. Anei jing sa hlăm ênoh ƀiă anôk bruă ti čar Dak Lak ruh mtlaih klei dleh dlan jing klei kƀah êa drao leh anăn kdrăp mdrao mgŭn, ngă jăk bruă klam kriê dlăng klei suaih pral yang ƀuôn.

VOV4.Êđê- Tĭng truh kơ hruê 30/10, čar Gia Lai mâo 12 čô djiê kyua klei ruă khŏ mơ̆ng thŭn 2023.

VOV4.Êđê- Klei ruă prôč êbeh jing sa klei ruă huĭ hyưt lehanăn brei dŏng mjêč mdrao kreh mâo ti grăp gưl thŭn. Klei ruă anei tơdah pral hmao thâo lehanăn pral dưi dŏng mdrao ƀiă snăk hmăi truh kơ suaih pral. Mklăk hŏng anăn, klei ruă anei srăng ba klei huĭ hyưt, đa truh kơ djiê tơdah hnui hmao ƀuh lehanăn amâo dưi mdrao djŏ hdră.

VOV4.Êđê- Ară anei, čar Dak Lak dôk hlăm wưng bi mlih yan, wưng găl kơ kêč kdruêh ba klei ruă êngoh bi ƀlĕ êrah đĭ lêč. Mbĭt anăn jing ênoh mnuih ruă êngoh bi ƀlĕ êrah đi nanao. Wăt tơdah anei jing klei ruă tưp huĭ hyưt, mâo hlăm jih thŭn ƀiădah ăt mâo mnuih djiê hŏng mta phŭn mdê mdê, hlăm anăn mâo lu mnuih ruah anôk mdrao amâo jăk, ngă kơ klei ksiêm mkă soh, nao mdrao hnui, klei ruă truh kjham leh anăn tlă anăp hŏng lu klei ruă kjham, arưp amâo mâo jăk kơ klei hdĭp mda. Ti tluôn anei mâo klei čih mơ̆ng êpul čih klei mrâo ti sang êa drao krĭng Lăn Dap Kngư kơ klei anei.

VOV4.Êđê - Knhal jih mkan 9 mrâo êgao, ti ƀuôn prŏng Pleiku, Anôk bruă klei ruă tưp gưl dlông bi hgŭm hŏng Knơ̆ng bruă sang čư̆ êa čar Gia Lai mkŏ mjing klei bi kƀĭn “mđĭ ktang bruă klam dŭm tĭng djŏ tuôm hlăm klei hlue ngă hdră msir kluôm gang mkhư̆ klei ruă asâo miêô khŏ kĕ hlăm hdră ala čar 2022 – 2030”. Gia Lai ăt jing alŭ wăl mâo ênoh mnuih djiê kyua klei ruă asâo miêô khŏ kĕ lu hĭn kluôm ala, brei mâo dŭm hdră msir jăk gang mkhư̆ klei ruă anei. Kdrêč hruê anei, Hoàng Qui - Pô čih klei mrâo Sang mđung asăp blŭ Việt Nam mâo klei čih: