Mphŭn pŏk hdră bruă Hrah tal 9
Thứ bảy, 08:22, 06/07/2024
VOV TAYNGUYEN
VOV TAYNGUYEN
VOV4.Êđê-Tlam 5/7, ti Sang phung hđeh ƀuôn prŏng Pleiku, Anôk bruă mkŏ mjing Hdră bruă Hrah gưl dlông bi hgŭm hŏng Anôk dlăng bruă mtrŭt mjhar myơr êrah čar Gia Lai mkŏ mjing knăm mphŭn pŏk hdră bruă Hrah tal IX leh anăn mŭ kơ phung myơr êrah êdah êdi thŭn 2024.
Anei jing thŭn tal 9 čar Gia Lai mkŏ mjing bruă ngă hlăm Hdră bruă ruah. Dŭm gưl êlâo anăn, hdră myơr êrah mâo lu mnuih ƀuôn sang ti Gia Lai nao ai, ênoh mnuih nao myơr ƀrư̆ lu leh anăn ênoh êrah doh dưi mâo thŭn êdei lu hĭn kơ thŭn êlâo. Anôk bruă gĭt gai myơr êrah čar Gia Lai brei thâo, mơ̆ng akŏ thŭn truh ară anei, čar mkŏ mjing leh 54 gưl myơr êrah, mâo êbeh 10.400 ênoh êrah doh.
Hlăm Hdră Hrah tal anei, Anôk bruă mkŏ mjing kčah srăng mâo ƀiă êdi 600 ênoh êrah doh, pioh kơ bruă dŏng mdrao mjêč leh anăn mdrao ti dŭm sang êa drao. Hlăm hdră, Anôk bruă gĭt gai myơr êrah čar Gia Lai mđup brei hră pah mni kơ 17 êpul, 3 gŏ sang leh anăn 25 čô mâo boh tŭ êdah êdi hlăm klei mtrŭt mjhar myơr êrah thŭn 2023 -2024.
Viết bình luận