Kñăm gang mkhư̆ klei ruă ƀlĕ sruê tưp lar, bruă mdrao mgŭn dôk mđĭ klei ksiêm dlăng klei ruă tưp leh anăn tlŏ mgang, tlŏ vaccin kơ phung hđeh. 5 čô mâo klei ruă ƀlĕ sruê ti dŭm kdriêk Čư̆ Kuiñ, Ƀuôn Đon, Krông Ƀuk leh anăn ƀuôn prŏng Ƀuôn Ama Thuôt. Hlăm anăn mâo 3 čô hđeh ka tlŏ vaccin gang mkhư̆ klei ruă.

Hlue si Hoàng Hải Phúc, Khua Anôk bruă ksiêm dlăng klei ruă čar Dak Lak, mta phŭn ngă kơ klei ruă đĭ hlăm wưng giăm anei jing kyua alŭ wăl amâo djăp vaccin tlŏ mgang klei ruă ƀlĕ srruê hlăm thŭn 2023 leh anăn dŭm mlan akŏ thŭn 2024. Ară anei vaccin mâo djăp leh, čar dôk kƀĭn ksiêm dlăng phung hđeh ka tlŏ mgang vaccin ti dŭm alŭ wăl mâo mnuih ruă čiăng lŏ tlŏ mbŏ.