Klei ruă tưp mâo ti să Êa Bhô̆k leh anăn Drai Bhăng hŏng 2 čô djŏ klei ruă. Hhluê si aê mdrao Nguyễn Khắc Dũng – khua anôk bruă mdrao mgŭn kdriêk Čư̆ Kuiñ, čar Dak Lak,leh hmao ƀuh anôk mâo klei ruă, anôk bruă bi mguôp hŏng anôk bruă ksiêm dlăng klei ruă tưp leh anăn anôk bruă mdrao mgŭn să ngă klei ksiêm duah, ktuê dlăng phung mâo klei ruă, krih êa drao mdjiê kman Cloramin B, mtô kơ mnuih ƀuôn sang mdjiê kman hlăm dŭm mta mnơ̆ng hlăp, mnơ̆ng huă ƀơ̆ng, anôk dôk mơ̆ng phung hđeh leh anăn hâo hưn klă anăp bruă gang mkhư̆ klei ruă mblĕ sruê alŭ wăl riêng gah sang pô ruă.

Mbĭt anăn ngă klei ksiêm dlăng jih jang phung hđeh ti gŭ 5 thŭn ka dưi tlŏ mgang, tlŏ ka ênŭm aruăt amâodah amâo klă klei tlŏ mgang vaccine klei ruă mƀlĕ sruê, rubella čiăng tlŏ mbŏ kơ phung hđeh.