Hluê si Aduôn Phạm Thị Thùy Trang, Khua êpul hgŭm bruă mniê kdriêk Ba Chẽ, jing alŭ wăl dleh dlan êdi ti čar Quảng Ninh, anôk mâo lu mnuih ƀuôn sang djuê ƀiă hdĭp mda, bruă “Bi mlih klei mĭn, hdră ngă”, đru lăm lui klei amâo mtăp mđơr êkei mniê, klei bhiăn amâo djŏ mơ̆ng hđăp đưm hlăm gŏ sang lehanăn êpul êya ti Ba Chẽ tuôm hŏng lu klei dleh dlan kyua mnuih djuê ƀiă tinei hnư hrui wĭt ƀiă, klei thâo săng êdu kƀah, klei mĭn kơ klei mtăp mđơr êkei mniê mbĭt hŏng dŭm klei bhiăn djŏ tuôm kơ boh klei anei ăt dôk mâo ktrŏ mơh. Phạm Thị Thùy Trang, Khua êpul bruă mniê kdriêk Ba Chẽ brei thâo:

Ară anei lu phung mniê lehanăn hđeh mniê ti kdriêk ba Chẽ tuôm hŏng lu klei dleh dlan hlăm klei hdĭp lehanăn bi mklă kơhưm, mđĭ kyar klei thâo pô kyua ăt dôk lu klei bhiăn amâo djŏ mơ̆ng hđăp đưm. Klei bi dôk ung mô̆ mơ̆ng mda, klei čăm biêng hlăm gŏ sang, čiăng kơ êkei mbĭt hŏng dŭm klei mưng aguah tlam hmăi leh kơ wăk anôk hdĭp lehanăn klei suaih pral mnuih ƀuôn sang… Bruă bi mlih klei mĭn, hdră ngă čiăng đru lăm lui klei amâo mtăp mđơr êkei mniê hlăm gŏ sang lehanăn yang ƀuôn ti Ba Chẽ tuôm hŏng lu klei dleh dlan.

Ti anăp klei dleh anei, Êpul bruă mniê kdriêk Ba Chẽ dôk mđing ruh mtlaih čiăng ƀrư̆ ƀrư̆ bi mlih klei thâo săng mnuih ƀuôn sang. Sa hlăm dŭm bruă klă klơ̆ng, jing pŏk dŭm hdră msir phŭn hluê ngă klei mlih mrâo hluê hdră: Mtô mblang truh kơ alŭ, ƀuôn, mtrŭt mjhar hlăm grăp gŏ sang. Mđĭ hnơ̆ng tŭ hdră bi mjĕ mjuk alŭ, êpul bruă mguôp hŏng bruă mlih mrâo hdră bi mjĕ mjuk hluê ngă klei mtăp mđơr êkei mniê. Klei mjĕ mjuk anei dưi ngă hluê hdră: Mkŏ mjing Klei bi lông hluê mta phŭn; mkŏ mjing dŭm hdră mjĕ mjuk dhar kreh, kdŏ mmuñ, mjuăt ktang asei mlei mơ̆ng dŭm êpul; mđĭ hdră mă bruă hluê êpul ti dŭm anôk mjĕ mjĕ mjuk. Mkŏ mjing êpul hgŭm hluê si klei khăp čiăng mdê bi pô. Dŭm hdră mtô mblang, mjĕ mjĕ mjuk jak iêu jih ung mô̆ nao hgŭm. Phạm Thị Thùy Trang brei thâo:

Mbĭt anăn, hmei ăt hrăm mbĭt, đru kơ amai adei mđĭ kyar bruă duh mkra kpưn đĭ tlaih kơ ƀun hơĭt kjăp. Mbĭt hŏng bruă mđĭ lar ai tiê thâo bi đru, mtrŭt mjhar hdră đru kơ phung mniê, ƀun dleh dlan, mđĭ klei thâo ngă bruă duh mkra kơ phung mniê. Boh nik, hmei mđing mđĭ klei thâo, ƀrư̆ rơ̆ng klei mtăp mđơr êkei mniê hlăm hdră mjuăt bi hriăm.  Rơ̆ng klei mtăp mđơr dưi dưn hdră kriê dlăng klei ƀă kkiêng anak, kriê dlăng klei suaih pral.

Mbĭt hŏng bruă mtrŭt mđĭ hdră mtô mblang, mjuăt bi hriăm, Êpul bruă mniê kdriêk Ba Chẽ mkŏ mjing leh 13 êpul bruă mniê hŏng hdră bhiăn, 13 êpul phŭn hluê ngă hdră bhiăn; krơ̆ng kjăp lehanăn pŏk mlar kjăp 8 êpul bruă rông anak jăk, 7 êpul mâo bruă klam kriê dlăng klei suaih pral ƀă kkiêng anak lehanăn ngă amĭ êđăp ênang, 8 gru hmô “Anôk đăo knang kjăp” ti êpul êya, gang mkhư̆ klei čăm biêng hlăm gŏ sang, klei amâo mtăp mđơr êkei mniê, 7 gru hmô “Mkŏ mkra gŏ sang 5 h’aĭ 3 doh”, 20 gru hmô “Klei mngač 3 doh”.

Boh nik đru kơ phung mniê mkra mđĭ klei hdĭp mnơ̆ng dhơ̆ng, ai tiê klei mĭn, êpul mtrŭt mjhar, hưn mthâo 1 êpul Kdŏ mmuñ lehanăn krơ̆ng kjăp knhuah siam kdrăp čŭt h’ô djuê ana Dao Thanh Phán”, 08 êpul bruă pah boh, 60/66 êpul kdŏ mmuñ, mjuăt ktang asei mlei lehanăn anei jing sa hlăm dŭm êpul mâo lu mnuih, djăp gưl thŭn, boh nik phung mniê nao hgŭm ba wĭt boh tŭ kơ klei suaih pral lehanăn ai tiê klei mĭn. Phung mniê nao hgŭm êpul anei lŏ mâo klei sa ai, đru mjing klei găl kơ hruê mmông, bruă mă hlăm gŏ sang mơ̆ng phung ung, phung êkei. Hŏng klei mĭn, klei ƀuh klă, amâo lŏ dôk klei kpĭ hŏng phung mniê, dưi mjing klei găl nao hgŭm hlăm dŭm hdră bruă.

Dưi ƀuh, kdriêk Ba Chẽ ba wĭt leh boh tŭ dưn hlăm hdră pŏk ngă bruă đru kơ phung mniê, đru mđĭ hnơ̆ng tŭ jăk klei hdĭp lehanăn mtrŭt mđĭ klei mtăp mđơr êkei mniê ti alŭ wăl. Anei jing gru hmô năng tui hriăm lehanăn mđĭ lar./.