Hluê ngă hdră bruă 500 hruê mlan tui duah, bi kƀĭn leh anăn bi klă anăn lĭng kahan djiê êngiă, dŭm êpil êya dưi duah ƀuh, bi kƀĭn mâo 11 klang kleh lĭng kahan djiê êngiă. Hlăm anăn, Êpul bi kƀĭn mơ̆ng anôk bruă kđi čar, Quân đoàn 34 bi kƀĭn 2 klang kleh lĭng kahan ti să Dục Nông, Êpul bi kƀĭn Sư đoàn 10, Quân đoàn 34 bi kƀĭn 2 klang kleh ti să Dăk Pek, êpul gĭt gai lĭng kahan să Đăk Pek bi kƀĭn 7 klang kleh lĭng kahan djiê êngiă ti alŭ wăl.

Hluê si êpul gĭt gai, bi kƀĭn leh anăn bi klă anăn lĭng kahan djiê êngiă čar Quảng Ngãi, yap truh kơ ară anei, kluôm čar dưi duah ƀuh, bi kƀĭn mâo 67 klang kleh lĭng kahan djiê êngiă. Ară anei dŭm êpul êya dôk lŏ dơ̆ng ksiêm dlăng dŭm alŭ wăl đing mâo, bi klă klei hưn phung tuôm ƀuh hŏng boh tŭ klei ksiêm dlăng, kuai mă hlăm boh sĭt, mbĭt anăn bi mguôp kjăp hŏng Bruă sang čư̆ êa alŭ wăl čiăng pŏk mlar klei hưn, bi klă anôk dơr lĭng kahan djiê êngiă.