Hdră bruă 500 hruê mlam” êpul bruă djŏ tuôm čar Lâm Đồng srăng kƀĭn tui duah, bi kƀĭn klang kahan djiê êngiă ti alŭ wăl 3 să mơ̆ng čar mâo: Dak Săk, Hải Ninh leh anăn Quảng Trực. Mbĭt anăn čiăng bi leh bruă klam tui duah, bi kƀĭn ƀiă êdi 124 klang  kleh kahan djiê êngiă hlăm wưng 2 “Hdră bruă 500 hruê mlam”, êpul bruă djŏ tuôm čar Lâm Đồng ăt pŏk ngă bruă tui duah klang kahan djiê êngiă ti alŭ wăl dŭm ƀuôn hgŭm hlăm ƀuôn prŏng Phan Thiết, čar Bình Thuận hđăp.  

Đinh Văn Tuấn, K’iăng Khua Knơ̆ng bruă sang čư̆ êa čar, Khua Anôk bruă gĭt gai tui duah, bi kƀĭn leh anăn bi mklă anăn klang kleh kahan djiê êngiă čar Lâm Đồng, brei thâo, Anôk bruă gĭt gai jao leh bruă klam klă klơ̆ng kơ Anôk bruă gĭt gai lĭng kahan čar bi hgŭm hŏng dŭm knơ̆ng, dhar bruă, alŭ wăl  djŏ tuôm mjêč ksiêm dlăng, mkŏ mjing hdră kčah tui duah, bi kƀĭn klang kahan djiê êngiă hŏng ai tiê "6 klă”leh anăn kjăp, mbĭt anăn păn kjăp klei hâo hưn čiăng duh kơ bruă tui duah.