VOV.Êđê- Brei klei blŭ ti êpul hlăm aguah hruê 19/8 kơ hdră êlan mkŏ mjing hdră bhiăn ngăn prăk knŭk kna (lŏ mlih mrâo), Khua bruă kƀĭn ala Trần Thanh Mẫn mñă klă, hdră bhiăn anei brei mâo dŭm klei mlih mrâo kdlưn hĭn čiăng kơ lăn čar đĭ kyar, boh nik jing dua ƀuôn prŏng Hồ Chí Minh leh anăn Hà Nội.

VOV.Êđê-Bruă sang čư̆ êa să Čư̆ Pui, Anôk bruă gĭt gai lĭng kahan să bi hgŭm hŏng Êpul K51 (Anôk bruă gĭt gai lĭng kahan čar Dak Lak) mkŏ mjing hdră ksiêm dlăng, tui duah leh anăn bi kƀĭn sa klang lĭng kahan êngiă asei ti Čư̆ Jŭ, hlăm kdrăn mblah Čư̆ Yang Sin, să Čư̆ Pui, čar Dak Lak.

VOV.Êđê- Tlam 18/8, Êpul mă bruă mơ̆ng kahan alŭ wăl 5 mâo Thiếu tướng Nguyễn Quốc Hương, K'iăng khua knơ̆ng gĭt gai lĭng kahan alŭ wăl 5 ngă Khua êpul nao čuă, mđĭ ai êpul dôk hluê ngă bruă klam hlăm "Hdră bruă 500 hruê mlam" ti Wăl msat lĭng kahan djiê êngiă Cát Hải (să Cát Tiến) leh anăn Wăl msat lĭng kahan djiê êngiă Quy Nhơn (ƀuôn hgŭm Quy Nhơn Nam), čar Gia Lai.

VOV.Êđê- Lŏ dơ̆ng Hdră Klei bi kƀĭn êngao hdră tal sa, Anôk bruă kƀĭn ala gưl XVI, aguah anei (19/8), Anôk bruă kƀĭn ala bi trông hlăm êpul Bruă bi mguôp 04 hdră ala čar kñăm jing 01 Hdră ala čar kñăm.

VOV.Êđê- Ti msat lĭng kahan djiê êngiă Đăk Glei, bruă Đảng, Êpul gơ̆ng bruă ƀuôn sang, Bruă sang čư̆ êa, Dhar bruă mặt trận să Đăk Pék, čar Quảng Ngãi mkŏ mjing leh Knăm čang ênuh, bi hdơr leh anăn dơr klang 10 čô kahan djiê êngiă dưi ƀuh, bi kƀĭn ti alŭ 16/5.

VOV.Êđê- Hŏng klei gĭr ktưn prŏng mơ̆ng jih bruă kđi čar hlăm bruă pŏk ngă dŭm hdră bruă, hdră mtrŭn kñăm mđĭ klei hdĭp mnuih ƀuôn sang, truh kơ ară anei, ƀuôn prŏng Cần Thơ dưi bi hrŏ leh ênoh gŏ êsei ƀun knŏng adôk giăm 0.6%, boh nik hlăm krĭng mnuih djuê ƀiă.

VOV.Êđê- Hdră mtrŭn 246/2026/NĐ-CP mơ̆ng Knŭk kna bi klei klei ƀuah mkra klei ngă soh hlăm bruă kan hdang srăng dưi ba yua mơ̆ng hruê 18/8, hŏng lu klei čuăn mrâo leh anăn hnơ̆ng đŭ bi kmhal đĭ lu hŏng lu klei ngă soh. Čiăng kơ phung mă kan hdang thâo klă, čŏng pô ñĕ mơ̆ng klei soh, dŭm êpul bruă djŏ tuôm ti čar Gia Lai dôk mtrŭt mđĭ klei hâo hưn ti dŭm kdrŭn kan leh anăn anôk jưh kŭm păn. Anei ăt jing bruă bi êdah klei gĭr gang mkhư̆ klei trai mă kan hdang soh hdră bhiăn (IUU) ti Gia Lai.

VOV.Êđê- Êpul K52, Anôk bruă gĭt gai lĭng kahan čar Gia Lai lŏ dơ̆ng kƀĭn thiăm 2 klang kahan êngiă asei ti krĭng wăl ƀuôn Sơr, să Ia Boòng, čar Gia Lai

VOV.Êđê- Tlam mbruê 13/8, gĭt gai mmông mă bruă hŏng dŭm phŭnm dhar bruă kơ đa đa bruă klam phŭn mơ̆ng Êpul gĭt gai ala čar kơ bruă tui duah, bi kƀĭn, bi klă anăn klang kleh lĭng kahan êngiă asei (Êpul gĭt gai mrô 515), k’iăng Khua Knŭk kna Phạm Thị Thanh Trà mñă brei mjêč mkŏ mjing, bi mbŏ klei čih pioh kơ kơ lĭng kahan djiê êngiă, msat lĭng kahan êngiă asei, mkŏ mjing tur knơ̆ng đru tŭ dưn hŏn kơ bruă tui duah, bi kƀĭn leh anăn bi klă anăn klang kleh lĭng kahan êngiă asei.

VOV.Êđê- Mprăp kơ thŭn hriăm mrâo 2026 - 2027, dhar bruă sang hră mơar čar Lâm Đồng dôk bi pral bi leh kdrăp mnơ̆ng yua, êpul bruă leh anăn dŭm klei găl čiăng êdi, mbĭt anăn hluê ngă dŭm hdră êlan mkŏ dăp sang hră hluê si hdră khuăt, tŭ dưn.