VOV.Êđê- Anôk bruă gĭt gai tui duah, bi kƀĭn leh anăn bi mklă anăn klang kleh kahan êngiă asei čar Gia Lai (pia klah čŭn jing Anôk bruă gĭt gai 515) mkŏ mjing Klei bi kƀĭn ksiêm wĭt bruă tui duah, bi kƀĭn leh anăn bi mklă anăn klang kleh phung kahan djiê êngiă anôk kƀah klei hâo hưn thŭn 2026 leh anăn ksiêm dlăng wưng I “hdră bruă 500 hruê mlam”.

VOV.Êđê- Mđing truh kơ Klei bi kƀĭn tal dua, Anôk bruă kƀĭn ala gưl XVI, mnuih ƀuôn sang mơĭt lu klei akâo klă sĭt, hưn mdah dŭm boh klei dôk mâo hlăm klei hdĭp. Ti Lăn Dap Kngư, mnuih ƀuôn sang djuê ana ƀiă hmăng hmưi dưi ruh mtlaih klei dleh dlan kơ lăn dôk, lăn pla mjing, mjing bruă mă ti anôk pô, duh bi liê bruă nah gŭ čiăng mđĭ kyar bruă duh mkra. Mbĭt anăn, mnuih ƀuôn sang akâo hnưm bi leh hdră êlan mđĭ kyar bruă duh mkra êa ksĭ mguôp hŏng bruă răng mgang klei êđăp ênang.

VOV.Êđê- Hruê 21/10, Knơ̆ng gĭt gai lĭng kahan krĭng 5 mkŏ mjing knăm ba yua, jao 2 boh sang bi kƀĭn êpul êya ti ƀuôn Kđoh, să Čư̆ Pơ̆ng leh anăn alŭ 12, să knông lăn Ia Rvê, čar Dak Lak.

VOV.Êđê- Dŭm hdră ala čar kñăm jing leh boh kdrŭt yuôm bhăn čiăng duh bi liê kơ anôk bruă nah gŭ, mđĭ kyar bruă duh mkra, mkra mđĭ klei hdĭp mnuih ƀuôn sang ti krĭng taih kbưi, krĭng mnuih djuê ƀiă čar Lâm Đồng. Bruă pŏk ngă dŭm hdră bruă đru mguôp bi hrŏ klei kpleh mđĭ kyar plah wah dŭm krĭng kwar, mjing boh kdrŭt čiăng kơ mnuih ƀuôn sang kpưn đĭ tlaih kơ ƀun, ƀrư̆ ƀrư̆ mkŏ mjing klei hdĭp hơĭt kjăp.

VOV.Êđê- Gưl dŭ mdiăng 8.453 mta klang lĭng kahan djiê êngiă hŏng êdeh phiơr dŭ mdiăng lĭng kahan tal anei ăt mjưh ruê̆ bruă mă mta kman mơ̆ng Hdră bruă 500 hruê mlam.

VOV.Êđê- Êpul K51, Anôk bruă gĭt gai lĭng kahan čar Dak Lak bi hgŭm hŏng bruă sang čư̆ êa leh anăn Anôk bruă gĭt gai lĭng kahan să Krông Bông mrâo bi kƀĭn klang dua čô kahan djiê êngiă ti čư̆ Yang Sin, giăm Sang êa drao jing jai hlăm Wăl anôk krŭ kdơ̆ng H9 mơ̆ng bruă Đảng čar Dak Lak hlăm hdră kdơ̆ng mblah Mi.

VOV.Êđê- Hruê mbruê 20/10, Êpul gơ̆ng bruă ƀuôn sang čar Dak Lak gưl XI mkŏ mjing klei bi kƀĭn ksiêm dlăng 27 mta bruă djŏ tuôm kơ ngăn prăk, knơ̆ng prăk, duh bi liê bruă knŭk kna, klei hdĭp yang ƀuôn leh anăn bi kluôm ênŭm anôk bruă.

VOV.Êđê- Êpul K52, Anôk bruă gĭt gai lĭng kahan čar Gia Lai lŏ ƀuh thiăm 2 klang lĭng kahan djiê êngiă ti krĭng đang kñŭl mnuih ƀuôn sang ti ƀuôn Bi, să Ia Dom.

VOV.Êđê- Êpul bi ala anôk bruă kƀĭn ala čar Dak Lak mrâo mkŏ mjing klei bi kƀĭn mă klei blŭ mguôp hŏng dŭm klei čih mkra hdră bhiăn ba mdah ti Klei bi kƀĭn tal Sa, Anôk bruă kƀĭn ala gưl XVI. Lu klei blŭ mđing brei bi mklă bruă klam kriê dlăng mơ̆ng knŭk kna, bi kluôm hdră hluê ngă leh anăn rơ̆ng klei tŭ dưn kơ mnuih ƀuôn sang, mnuih mă bruă tơdah dŭm klei kčah mtrŭn mrâo dưi ba mdah.

VOV.Êđê- Pŏk ngă Hdră mđĭ kyar bruă mtô bi hriăm bruă mă leh anăn msir mghaih bruă mă kơ mnuih mă bruă krĭng mnuih djuê ƀiă hlăm Hdră kñăm ala čar 1719, dŭm adŭ mtô bi hriăm bruă ti Dak Lak dôk dưi mkŏ mjing hluê si klei čiăng klă sĭt mơ̆ng mnuih hriăm leh anăn djŏ guôp hŏng klei čiăng mơ̆ng wăl anôk mnia mblei. Mơ̆ng anăn, đru kơ mnuih hriăm mâo thiăm klei găl duah bruă amâo dah čŏng mkŏ mjing bruă mă ti alŭ wăl.