Năng mđing, phung bi ala ksiêm dlăng hdră êlan đru 100% ênoh prăk blei hră ênua mdrao mgŭn kơ mnuih mơ̆ng ênŭm 60 thŭn truh ti gŭ 75 thŭn ka mâo hră ti alŭ wăl čar. Hluê si tĭng, hdră êlan srăng đru êbeh 83.700 čô mnuih khua thŭn, hŏng ênoh prăk êbeh 114 êklai prăk grăp thŭn.

Klei bi kƀĭn ăt ksiêm dlăng kluôm ênoh prăk duh bi liê knŭk kna wưng man dưn wưng thŭn 2026-2030 pioh kơ tlâo hdră ala čar kñăm kơ bruă mkŏ mkra krĭng ƀuôn sang mrâo, bi hrŏ ƀun hŏng klei kjăp leh anăn mđĭ kyar bruă duh mkra - ala ƀuôn krĭng mnuih djuê ƀiă, krĭng čư̆ čhiăng, mĭn tĭng êbeh 4.500 êklai prăk. Êngao anăn, phung bi ala ksiêm dlăng hdră kah mbha 245 êklai prăk kơ 15 hdră bruă kreh knhâo, kdrăp mrâo, mlih mrâo hŏng klei knhêč leh anăn mlih mrô; ênoh 21 hdră bruă čiăng hrui wĭt lăn amâodah mlih mta kñăm yua lăn dliê.