Dua hdră bruă mâo ênoh prăk bi liê 5 êklai prăk mâo Phŭn bruă lĭng kahan đru, kñăm mkra mđĭ klei găl hdĭp mda, mđĭ klei bi hgŭm lĭng kahan - mnuih ƀuôn sang leh anăn đru kriê pioh knhuah dhar kreh djuê ana. Knơ̆ng gĭt gai lĭng kahan čar Dak Lak dưi jao ngă pô duh bi liê, bi hgŭm hŏng gưl bruă Đảng, bruă sang čư̆ êa alŭ wăl pŏk ngă hdră rŭ mdơ̆ng.

Hlăm anăn, sang bi kƀĭn êpul êya ƀuôn Kđoh dưi mkra hluê gru hmô sang dlông djuê ana Êđê, ênhă 150 mét vuông; anôk bruă ti alŭ 12, să Ia Rvê mâo ênhă 180 m2 dưi rŭ mdơ̆ng hluê si gru hmô sang bi kƀĭn. Dŭm anôk bruă srăng jing anôk mnuih ƀuôn sang bi mjĕ mjuk, bi trông klei thâo ngă bruă, mkŏ mjing hdră dhar kreh, kdŏ mmuñ, mjuăt ktang asei mlei. Wưng anei, dŭm anôk bruă mđup brei mnơ̆ng kơ êpul êya mnuih ƀuôn sang, gŏ sang knŭk kna dlăng ba leh anăn gŏ sang mâo klei hdĭp dleh dlan ti alŭ wăl.