Leh msir mghaih dŭm anôk ƀruih ƀram brĭng jiă ti dlông pŏk ksueh, bruă djŏ tuôm ƀuh boh hră “Lĭng kahan êngiă asei - Nguyễn Thanh Trì - Djiê  18/5/70”, mơ̆ng anăn dưi bi mklă anăn lĭng kahan djiê êngiă Nguyễn Thanh Trì. Snăn, yap truh kơ ară anei Êpul K52 dưi bi kƀĭn leh 6 klang phung kahan djiê êngiă ti krĭng đang kñŭl ti ƀuôn Bi, să Ia Dom.

Hlăm ênoh anei, sa klang dưi bi mklă anăn jing kahan djiê êngiă Nguyễn Thanh Trì; 5 klang phung kahan djiê êngiă adôk ka dưi bi mklă anăn. Anôk bruă gĭt gai tui duah, bi kƀĭn leh anăn bi mklă anăn phung kahan djiê êngiă čar Gia Lai čang hmăng phung kahan hđăp, ƀĭng kahan, anôk bruă, êpul êya leh anăn mnuih ƀuôn sang brei klei hâo hưn djŏ tuôm kơ kahan djiê êngiă Nguyễn Thanh Trì leh anăn găp djuê, đru bi mklă klei hâo hưn, pral dưi ƀuh gŏ sang kahan djiê êngiă.