VOV.Ểđê- Tui si hdră mtrŭn mrâo mâo leh Êpul gơ̆ng bruă ƀuôn sang čar Gia Lai mrâo mtrŭn, wưng tinăp alŭ wăl srăng đru lăn dôk, lăn pla mjing kơ dŭm gŏ sang ƀun, giăm ƀun jing mnuih djuê ƀiă.

VOV.Êđê- Mdê hŏng mnuih prŏng, mnuih khua thŭn, phung hđeh ka mâo djăp klei thâo săng ênŭm kơ boh tŭ yuôm mơ̆ng klei hâo hưn pô, ăt msĕ mơh dŭm klei arưp huĭ hyưt mâo hlăm êlan mạng. Snăn, si srăng ngă čiăng răng mgang klei hâo hưn mdê bi phung hđeh hlăm ênuk gưl mrô? Anei jing mta phŭn dưi bi trông “Klei hmăi mơ̆ng Hdră bhiăn răng mgang klei hâo hưn mdê bi pô – Dŭm hdră mđing dlăng yuôm bhăn”.

VOV.Êđê - Êbeh 5 thŭn êgao, phung nai mtô ti Anôk bruă Mjuăt bi hriăm mdê hjăn Pandur (să Bắc Bình, čar Lâm Đồng), săn asei hŏng klei hgăm, mă bruă hŏng jih ai tiê pô, đru ba wĭt klei yâo mơak kơ gŏ sang mâo čô anak amâo jăk asei mlei. Năng mđing, phung nai mtô tinei lu adôk mda asei lehanăn diñu jing mnuih Čam sơaĭ.

VOV4.Êđê – Khua bruă kƀĭn ala čang hmăng kơ Êpul gơ̆ng bruă djuê ana mđĭ hĭn bi kjăp bruă ksiêm duah, tĭng knăl kơ dŭm hdră êlan, rơ̆ng mâo klei mđĭ kyar hlăm klei mtăp mđơr, kriê pioh dŭm knhuah gru dhar kreh, lehanăn bi kjăp klei bi mguôp jih jang djuê ana.

VOV.Êđê - Êpul gơ̆ng bruă ƀuôn sang čar Dak lak gưl XI mrâo bi mklă Hdră kčah mtrŭn klei đru răng mgang lehanăn mđĭ lar knhuah gru dhar kreh čing čhar wưng thŭn 2026-2030.

VOV.Êđê- Hruê (25/5), Knơ̆ng bruă sang čư̆ êa čar Lâm Đồng mkŏ mjing Klei bi kƀĭn ksiêm dlăng 5 thŭn hlue ngă hdră bruă mđĭ klei tŭ dưn ngă bruă hâo hưn nah gŭ mơ̆ng klei ba yua kdrăp mrâo hâo hưn hlue si Hdră mtrŭn 135 thŭn 2020 mơ̆ng Khua knŭk kna.

VOV.Êđê-Knŭk kna mrâo mâo Hdră mtrŭn 122, hlăm anăn mtă brei mjêč bi leh dăp alŭ, ƀuôn leh anăn dŭm anôk bruă knŭk kna hlue si klei gĭtt gai, ktrâo lač mơ̆ng gưl dlông. Êlâo anăn, Khua knŭk kna ăt jao leh kơ Phŭn bruă kriê dlăng bruă knuă đru kčĕ hdră bruă dăp alŭ, wăl mnuih ƀuôn sang hlăm gưl 2 thŭn anei, mguôp hŏng bruă yua êpul knuă druh amâo thơ̆ng hlăm kluôm ala. Bruă dăp anei amâo djŏ knŏng jing sa klei bi mguôp ôh, ƀiădah jing knhuang nao klă klơ̆ng čiăng hrăm mbĭt hŏng gru hmô bruă sang čư̆ êa alŭ wăl dua gưl

VOV.Êđê- Mơ̆ng hdră êlan djŏ, giăm hŏng boh sĭt mơ̆ng bruă sang čư̆ êa anh gŭ, mnuih ƀuôn sang să Čư̆ A Thai, čar Gia Lai tŭ ư myơr lăn, ruh mgaih mnư̆ mnang čiăng pŏk mlar êlan klông krĭng ƀuôn sang. Dŭm ktuê êlan mrâo amâo djŏ knŏng đru kơ bruă găn êrô, dŭ mdiăng mnơ̆ng dhơ̆ng lŏ hma găl ênưih hĭn ôh ƀiădah lŏ bi êdah ai ktang bi hgŭm, klei hrăm mbĭt plah wah bruă sang čư̆ êa leh anăn mnuih ƀuôn sang hlăm klei mkŏ mkra krĭng ƀuôn sang mrâo.

VOV.Êđê- Klei bi kƀĭn phung bi ala bruă mặt trận čar kwả Việt Nam kluôm ala tal XI mrâo mkŏ mjing jăk siam ti Hà Nội. Mnuih ƀuôn sang ti Dak Lak bi êdah klei čang hmăng Anôk bruă mặt trận lŏ dơ̆ng mđĭ lar jing kdrông mkŏ plah wah mnuih ƀuôn sang hŏng Đảng, Knŭk kna; pral hưn lač kơ dŭm bruă mâo hlăm klei hdĭp, boh nik ti krĭng taih kbưi, krĭng mnuih djuê ƀiă, klei blŭ mơ̆ng nah gŭ dưi mđing hmư̆, hưn mdah klă lehanăn mjing jing dŭm bruă ngă klă sĭt hlăm wưng păn bruă mrâo.

VOV.Êđê- Tlam mbrue (14/5), mâo Nguyễn Hòa Bình, K’iăng khua knŭk kna êlâo dih, Trần Hồng Hà k’iăng khua knŭk kna êlâo dih mbĭt hŏng phung khua kiă kriê dŭm phŭn dhar bruă nao čuă, čuh brui mngưi lehanăn mâo bruă đru kơ klei hdĭp mda ala ƀuôn ti ƀuôn hgŭm Bình Kiến, čar Daklak.