VOV4.Êđê- Ƀri bi hdơr 78 thŭn hrue kahan êka êkeh – phung êngiă asei (27/7), tlam mbrue 15/7, Khua gĭt gai Đảng Tô Lâm nao čuă lehanăn mđup brei leh mnơ̆ng kơ phung kahan êka êkeh, kahan ruă duam, lehanăn mnuih mâo bruă tŭ dưn ti anôk rông ba kahan êka êkeh Thuận Thành (Bắc Ninh).

VOV4.Êđê- Hlăk Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng dôk mprăp mŭt hlăm wưng mrâo, snăn bruă krơ̆ng kjăp lehanăn mtrŭt mđĭ hdră bi mguôp klei mtăp mđơr hlăm jih jang mta phŭn mơ̆ng hdră amâo djŏ jing klei akâo čiăng ƀiădah anei jing klei mjêč. Klei anei amâo djŏ knŏng kñăm rơ̆ng klei tŭ dưi lehanăn mtăp mđơr kơ kơ phung mniê lehanăn phung hđeh mniê krĭng mnuih djuê ƀiă, ƀiădah lŏ jing mta phŭn đru mguôp yuôm bhăn hlăm hdră mđĭ kyar hơĭt kjăp êpul êya.

VOV4.Êđê- Hlăm hdră mđĭ kyar bruă duh mkra ala ƀuôn krĭng mnuih djuê ƀiă lehanăn krĭng čư̆ čhiăng, bruă hluê ngă klei mtăp mđơr êkei mniê amâo djŏ knŏng răng mgang klei dưi kơ phung mniê lehanăn phung hđeh, ƀiădah lŏ đru mguôp yuôm bhăn hlăm hdră mđĭ kyar hơĭt kjăp alŭ wăl, amâo lui hlei pô dôk ti tluôn. Hdră bruă 8 hŏng anăn pia “Hluê ngă klei mtăp mđơr êkei mniê lehanăn msir mghaih dŭm bruă mjêč kơ phung mniê lehanăn phung hđeh”, jing sa hlăm dŭm mta yuôm bhăn mơ̆ng Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng.

VOV4.Êđê- Mơ̆ng akŏ thŭn truh kơ ară anei, mâo leh giăm 75.000 gưl čô nao čuă dlăng gơ̆ng Pô Sah Inư, čar Lâm Đồng.

VOV4.Êđê- Hdră kñăm ala čar mđĭ kyar bruă duh mkra – ala ƀuôn krĭng mnuih ƀuôn sang djuê ƀiă lehanăn krĭng čư̆ čhiăng wưng thŭn 2021-2030, boh nik Hdră bruă 8 - “Hluê ngă klei mtăp mđơr lehanăn msir mghaih dŭm boh klei mjêč hŏng phung mniê lehanăn phung hđeh”, mjing leh dŭm klei bi mlih hlăm klei thâo săng lehanăn klei hdĭp phung mniê. Khă snăn, mơ̆ng hdră pŏk ngă, ăt dôk dŭm klei gun kpăk, lông dlăng brei msir mghaih kñăm ba wĭt boh tŭ dưn hơĭt kjăp klă sĭt.

VOV4.Êđê- Krĭng mnuih ƀuôn sang djuê ƀiă lehanăn krĭng čư̆ čhiăng ala čar drei jing anôk tlă anăp hŏng lu klei dleh dlan djŏ tuôm kơ klei mtăp mđơr êkei mniê, klei bi dôk ung mô̆ mơ̆ng mda, bi dôk giăm sa êrah, klei bi čăm biêng hlăm gŏ sang lehanăn kƀah hlăm bruă dưi bi mjĕ klei đĭ kyar. Hlăm boh klei anei, Hdră bruă 8 - “Hluê ngă klei mtăp mđơr lehanăn msir mghaih dŭm boh klei mjêč hŏng phung mniê lehanăn phung hđeh” dôk hlăm Hdră kñăm ala čar mđĭ kyar bruă duh mkra – ala ƀuôn krĭng mnuih ƀuôn sang djuê ƀiă lehanăn krĭng čư̆ čhiăng wưng thŭn 2021-2030, mñă leh bruă klam jing boh kdrŭt yuôm bhăn. Hŏng dŭm boh tŭ dưi bi mklă, bruă mđĭ hnơ̆ng tŭ jăk lehanăn bi hgŭm krĭng jing sa bruă klam mjêč, mjing klei bi mlih hlăm kluôm krĭng hŏng klei hơĭt kjăp.

VOV4.Êđê - Hruê 10/7, Khua knŭk kna Phạm Minh Chính gĭt gai klei kƀĭn trông bi klă 3 thŭn hluê ngă hdră mtrŭn mrô 18-NQ/TW, 1 thŭn hluê ngă hdră bhiăn lăn ala thŭn 2024. Khua knŭk kna mñă kơ dŭm hdră êlan lăn ala čiăng ksiêm duah mđĭ ênoh lăn, yap wăt klei kluôm djŏ tuôm hŏng lu dhar bruă, mta bruă.

VOV4.Êđê- Leh bi mŭt Gia Lai, Bình Định, Êpul gơ̆ng bruă ƀuôn sang čar Gia Lai gưl XII, wưng 2021-2026, mkŏ mjing leh klei bi kƀĭn tal êlâo. Anei jing klei kruăk knăl mơ̆ng êpul bruă knŭk kna mrâo hŏng hdră kñăm mkŏ mjing Gia Lai đĭ kyar ktang hlăm Wưng mrâo.

VOV4.Êđê- Êbeh hdră kčah, truh hdră kñăm hnưm hĭn hdră kčah 2 mlan, hdră lăm lui sang tĭ, ƀrôč ti dŭm čar Gia Lai, Lâm Đồng amâo djŏ knŏng ba dŭm boh sang prŏng siam ôh, ƀiădah lŏ mđĭ ai dŭm êbâo gŏ sang ƀun dưi găn klei dleh dlan. Mnuih ƀuôn sang mâo klei đăo knang, anôk dôk êđăp ênang čiăng mđĭ kyar bruă duh mkra, klei hdĭp mda.

VOV4.Êđê- Hŏng êbeh 1/3 ênoh mnuih jing mnuih ƀuôn sang djuê ƀiă, čar Dak Nông mđing êdi kơ hdră bi hrŏ ƀun. Hŏng klei găl mâo mơ̆ng Hdră ala čar kñăm mbĭt hŏng hdră ngă “djă kngan ktrâo bruă”, dŭm êbâo gŏ sang dưi đru kơ hdră duh ƀơ̆ng, bi mlih klei mĭn, hdră duh mkra pla mjing. Mơ̆ng anăn, ênoh gŏ êsei ƀun mnuih djuê ƀiă hrŏ pral, klei hdĭp mnuih ƀuôn sang ƀrư̆ hruê du mkra mđĭ.