VOV.Êđê- Hrue mbrue 25/12, Phŭn bruă kahan ksiêm hgŭm leh hŏng knơ̆ng bruă mđĭ kyar ƀuôn prŏng Vĩnh Thái mkŏ mjing leh bruă mphŭn rŭ mdơ̆ng sang dôk yang ƀuôn pioh kơ phung kahan ksiêm ti ƀuôn hgŭm Nam Nha Trang, čar Khánh Hòa.

VOV.Êđê- Aguah mbruê 24/12, ti Hà Nội mkŏ mjing klei kƀĭn kluôm Êpul đru kơ gŏ sang lĭng kahan djiê êngiă Việt Nam gưl tal 4, wưng thŭn 2025 - 2030.

VOV.Êđê - Pŏk ngă “Hdră bruă Quang Trung” mâo Khua knŭk kna Phạm Minh Chính mtrŭt mjhar čiăng mdơ̆ng pưk sang kơ mnuih ƀuôn sang ti krĭng êa lip kwar Krah – Lăn dap kngư, Kahan krĭng V ba nao leh phung knuă druh, lĭng kahan mđrăm mbĭt pŏk ngă. Knŏng êbeh 1 hruê kăm mtrŭt mjhar, dŭm êtuh boh sang dưi mdơ̆ng. Djŏ hŏng mta kñăm mjêč mŏng hdră bruă, phung knuă druh, lĭng kahan “Gĭr hlăm krah mđiă lehanăn hjan” mtrŭt mđĭ wưng hluê ngă.

VOV.Êđê - Aguah mbrue 17/12, Quân đoàn 34 mkŏ mjing leh klei ba jao boh sang tal êlâo dôk hlăm “hdră êlan Quang Trung” – jing bruă rŭ mdơ̆ng lehanăn mkra wĭt pưk sang kơ mnuih ƀuôn sang tuôm hŏng klei êa ngă ti kwar krah.

VOV.Êđê- Leh gưl adiê hjan êa lip mrâo êgao, čar Khánh Hòa hrăm mbĭt pŏk ngă “Hdră bruă Quang Trung” kñăm rŭ mdơ̆ng, mkra pưk sang kơ dŭm gŏ êsei tŭ klei luč liê kjham.

VOV.Êđê- Leh klei bi kƀĭn wưng 2025–2030, ai tiê “hdră mtrŭn brei hdĭp hlăm klei hdĭp ƀuôn sang” mâo bruă Đảng să Ia Hiao, čar Gia Lai klă klơ̆ng hŏng bruă ngă klă sĭt. Amâo dôk guôn, amâo êmưt, jih bruă kđi čar mŭt ngă bruă, mtrŭt mjhar mnuih ƀuôn sang myơr lăn, ruh mgaih anôk rŭ mdơ̆ng amâo djŏ, pŏk mlar êlan kniă kniêt, êngăp êa. Mơ̆ng sang knuă druh truh kơ gŏ êsei mnuih ƀuôn sang, ai tiê bii hmô leh anăn bi tŭ ư lar ktang, mjing hdră mtrŭn lar hlăm êpul êya, mjing ai ktang mrâo kơ krĭng ƀuôn sang.

VOV.Êđê- Hruê kăm êgao, Êpul gơ̆ng bruă ƀuôn sang dŭm čar Dhŭng kwar Krah – Lăn dap kngư pŏk leh klei bi kƀĭn knhal jih thŭn 2025 hŏng lu mta phŭn yuôm bhăn. Lu hdră mtrŭn djŏ tuôm kơ bruă rơ̆ng klei êđăp ênang ala ƀuôn lehanăn klei hdĭp mnuih ƀuôn sang dưi bi trông ti Anôk bi kƀĭn.

VOV.Êđê- Hŏng klei kñăm hnưm ba mnuih ƀuôn sang lŏ wĭt hŏng klei hdĭp hơĭt kjăp êlâo kơ Tết Nguyên đán, Êpul kahan 34 (Phŭn bruă lĭng kahan) hrăm mbĭt pŏk ngă hdră mdơ̆ng 100 boh sang kơ dŭm gŏ êsei mrâo luč pưk sang hlăm gưl êa lip angĭn êbŭ ti Gia Lai leh anăn Dak Lak. Hdră bruă Quang Trung mdơ̆ng sang đru kơ mnuih ƀuôn sang bi mklă ai tiê “lĭng kahan - mnuih ƀuôn sang msĕ si kan hŏng êa”, lĭng kahan hmao mâo nanao ƀô̆ mta tơdah mnuih ƀuôn sang čiăng.

VOV.Êđê- Hluê ngă klei gĭt gai mơ̆ng Knơ̆ng bruă sang čư̆ êa čar Dak Lak kơ bruă mtrŭt mđĭ hdră mtô mblang kơ bruă hŏng tač êngao hlăm krĭng mnuih djuê ƀiă lehanăn krĭng čư̆ čhiăng, Knơ̆ng bruă Dhar kreh – Mjuăt ktang asei mlei lehanăn Hiu čhưn ênguê bi hgŭm hŏng Sang mđung asăp blŭ Việt Nam dôk jưh ti krĭng Lăn dap kngư hluê ngă hdră mđung asăp kơ bruă hŏng tač êngao hlăm krĭng mnuih djuê ƀiă lehanăn krĭng čư̆ čhiăng ti alŭ wăl čar.

VOV.Êđê - Hruê kăm êgao, dŭm čar Dhŭng kwar Krah mđrăm mbĭt pŏk hdră rŭ mdơ̆ng sang dôk kjăp kơ dŭm gŏ sang luič pưk sang hlăm gưl adiê hjan êa lip lêč. Dŭm êbâo boh sang mrâo dưi mdơ̆ng hluê sang mdrơ̆ng hŏng klei adiê hjan êa lip amâo djŏ knŏng mjing sang dôk hơuh mđao ƀiădah lŏ bi êdah hdră “Hdĭp mbĭt hŏng êa lip” hŏng hdră pral, kreh knhâo. Bruă hưn mthâo dŭm gru hmô rŭ mdơ̆ng brei ƀuh hdră rŭ mdơ̆ng mđing kơ klei êđăp ênang, hluê ngă pral lehanăn djŏ guôp hŏng klei găl mơ̆ng alŭ wăl.