Klă klơ̆ng, hruê 29/7, 15 čô knuă druh hlăm Anôk bruă  gĭt gai lĭng kahan să Đăk Pek, mkŏ mjing tui duah ti dua krĭng wăl jing alŭ Đăk Xanh leh anăn alŭ 16/5.  Bruă tui duah dưi ngă hŏng hdră mă bruă hŏng kngan hŏng dŭm mta mnơ̆ng msĕ si wăng leh anăn kdrăp yua truăn. Hdră tui duah, êpul bruă djŏ tuôm hmao ƀuh 1 klang lĭng kahan djiê êngiă, dôk čhum ao hjan guôm ti êngao, mbĭt hŏng 1 hlâo hdruôm jơ̆ng mnal lĭng kahan leh anăn klang kleh asei mlei djăp ênŭm.

Êpul ngă bruă mâo mă leh klang kleh tui si hdră bhiăn, ba wĭt kơ Anôk bruă mdrao mgŭn Đăk Glei pioh ngă bruă ksiêm mkă leh anăn dŭm hdră mkăn. Ară anei, Êpul K53, Anôk bruă gĭt gai lĭng kahan čar Quảng Ngãi hlăk lŏ dơ̆ng mkŏ mjing tui duah ti dŭm anôk đing mâo klang kleh lĭng kahan djiê êngiă ti Đăk Pék.