Anei jing phung djiê êngiă hlăm klei bi blah kdơ̆ng hŏng Prăng.Hlăm ai êwa kdrưh kơăm, phung khua kiă kriê čar Khánh Hòa, êpul lĭng kahan, bruă sang čư̆ êa alŭ wăl leh anăn găp djuê phung lĭng kahan djiê êngiă myơr mnga, čuh brui mngưi, bi hdơr kơ phung săn leh asei kyua klei hnŭk êngiê, klei êđăp ênang mơ̆ng lăn čar.

Nguyễn Long Biên, kiăng khua bruă sang čư̆ êa čar Khánh Hoà, kiăng khua êpul gĭt gai "Hdră bruă 500 hruê mlam mtrŭt mđĭ bruă tui duah, bi kƀĭn lehanăn bi mklă anăn phung kahan djiê êngiă" dlăng hră čang ênuh. Bruă ba wĭt phung kahan djiê êngiă wĭt dôk hlăm asei mlei pô jing "asăp mtrŭn mơ̆ng ai tiê", bi êdah bruă klam lehanăn klei hdơr knga prŏng prĭn mơ̆ng ênuk ară anei hŏng phung săn leh asei mlei, êrah klang kơ lăn čar.Mơ̆ng leh pŏk ngă hdră bruă 500 hruê mlam, čar Khánh Hoà tui duah, bi kƀĭn leh 14 klang phung kahan djiê êngiă.