Phung bi ala tŭ ư lu hŏng hdră bi mŭt mbĭt čiăng ñĕ kơ klei mtŭk mtŭl bi hrŏ klei găl leh anăn mlih ktang kơ klei mbha gưl, mbha klei dưi kơ alŭ wăl. Khădah snăn, bruă bi mŭt mbĭt amâo djŏ jing bruă ti êngao ôh, amâo ngă bi mlih amâodah bi hrŏ dŭm mta kñăm, phung dưi dưn.

Hŏng ênoh prăk tĭng mkă êbeh 808.000 êklai prăk, pô bi ala Nguyễn Văn Huy (Êpul Hưng Yên) akâo bi klă klei dưi mơ̆ng ngăn prăk alŭ wăl kñăm ñĕ kơ klei mđĭ ênoh bi liê plah wah dŭm krĭng kwar. Bi pô bi ala Siu Hương (Êpul Gia Lai) akâo thiăm mbŏ klei hriăm mjuăt, mđĭ klei thâo čih mkra hdră kčah, kriê dlăng ngăn prăk leh anăn bi mlih mrô kơ phung knuă druh gưl să klă klơ̆ng hluê ngă hdră.