Knŭk kna ba mdah anăn Hdră leh bi mguôp jing: "Hdră ala čar kñăm mđĭ kyar dhar kreh-ala ƀuôn, krĭng ƀuôn sang, djuê ana leh anăn krĭng čư̆ čhiăng wưng thŭn 2026-2035". Hdră dưi bi mŭt mơ̆ng 4 Hdră bruă dôk mâo kơ dhar kreh; mtô bi hriăm; krĭng ƀuôn sang mrâo, bi hrŏ ƀun, mđĭ kyar krĭng mnuih djuê ƀiă leh anăn krĭng čư̆ čhiăng; kriê dlăng klei suaih pral, ênoh mnuih leh anăn mđĭ kyar; mkŏ mjing mâo 7 êpul bruă klam phŭn. Ênoh prăk iêo mkrum wưng thŭn 2026-2030 tĭng srăng jing êbeh 808.000 êklai prăk, hlăm anăn ngăn prăk gưl dlông jing 345 êbâo êklai prăk.

Mĭn tĭng, Phŭn bruă lŏ hma leh anăn wăl hdĭp mda ngă anôk bruă gĭt gai mbĭt, đru kơ Anôk bruă gĭt gai Gưl dlông; Phŭn bruă ngăn prăk tŭ đua klam bi mklă, mkăp brei, dŭ mdiăng prăk; dŭm Phŭn bruă thơ̆ng kơ bruă ba mdah hnơ̆ng čuăn, hnơ̆ng kčah, tĭng dlăng boh tŭ klei ba yua; alŭ wăl ba yua klei bhiăn "alŭ wăl bi mklă, alŭ wăl ngă, alŭ wăl đua klam", čŏng ruah anăn, mđing kơ prăk, đua klam kluôm kơ hnơ̆ng tŭ jăk, hnơ̆ng ngă bruă.