Thiếu tướng Nguyễn Quốc Hương bi mklă, bruă tui duah, bi kƀĭn klang kleh phung lĭng kahan djiê êngiă jing bruă klam kđi čar yuôm bhăn, bi êdah êlam klei bhiăn "Mnăm êa hdơr kơ hnoh", klei thâo hdơr knga mơ̆ng ênuk ară anei hŏng phung jhŏng ktang săn leh asei kyua klei hnŭk êngiê, êđăp ênang mơ̆ng Ala čar.

Hlăm "Hdră bruă 500 hruê mlam", grăp čô knuă druh, lĭng kahan nao hgŭm hlăm bruă klam amâo djŏ knŏng hluê ngă bruă tui duah, bi kƀĭn ôh ƀiădah lŏ đru ba phung lĭng kahan djiê êngiă wĭt hŏng ƀĭng kahan, gŏ sang, ƀuôn sang; bi leh hră mơar, bi mklă anăn, lŏ duah anăn kơ phung djiê êngiă.