Mơ̆ng klei mnuih ƀuôn sang hưn, êpul djŏ tuôm mkŏ mjing hdră ksiêm dlăng, pŏk mlar tui duah leh anăn ƀuh sa klang lĭng kahan djiê êngiă mbĭt hŏng lu mnơ̆ng dhơ̆ng. Klang lĭng kahan mâo klang kŏ, klang ƀăng êgei, klang jơ̆ng, klang kngan leh anăn 8 boh êgei. Dŭm mnơ̆ng dhơ̆ng dưi ƀuh mâo mnal, kdô hră mơar, klei pui kmlă dăng kông, giêt êa čhao êgei…Êpul K51 mă leh mta čiăng mkăp kơ hdră ksiêm dlăng ADN, bi mklă anăn phung lĭng kahan djiê êngiă hluê si klei kčah mtrŭn.

Klang kleh ară anei dưi kriê pioh, ngă yang ti Wăl msat lĭng kahan djiê êngiă să Krông Bông, čar Dak Lak, dôk guôn mkŏ mjing knăm čang ênuh leh anăn dơr. Anei jing klang kleh lĭng kahan djiê êngiă tal 13 mâo Êpul K51 bi kƀĭn ti alŭ wăl čar Dak Lak mơ̆ng akŏ mlan 6 truh kơ ară anei, hlăm anăn jing klang kleh tal 5 dưi ƀuh ti alŭ wăl kdriêk Krông Bông hđăp.