Khua bruă kƀĭn ala Trần Thanh Mẫn lač, hdră bhiăn kñăm mgaih msir phŭn klei gun kpăk hlăm klei bhiăn hrăm mbĭt hŏng hdră bhiăn duh bi liê knŭk kna, mlih mrâo djŏ hŏng dŭm klei čiăng mbha gưl, mbha klei dưi ktang hlăm wưng mrâo; boh nik mgaih msir klei bi mguôp kjăp.

Hdră bhiăn ngăn prăk ară anei, alŭ wăl amâo dưi bi liê êngao kơ krĭng knŭk kna kiă kriê; Hdră bhiăn ngăn prăk mrâo brei klei găl bi hgŭm yua ngăn prăk alŭ wăl duh bi liê anôk bruă nah gŭ mlir čar, mlir krĭng, boh nik klei kơ êlan klông, kban ară anei. Hdră bhiăn ngăn prăk ară anei kah mbha klă mngač grăp mta bruă; Hdră bhiăn mrâo mkra mlih jing brei jao kluôm ênŭm hluê si mta kñăm, alŭ wăl čŏng bi kna. Hdră bhiăn ngăn prăk ară anei ksiêm dlăng hluê si hră mơar phŭn; Hdră bhiăn mrâo tĭng dlăng klei tŭ dưn hlăm boh tŭ dưn kơ êdei anăp KPI.