Klei čih mkra Hdră bhiăn lăn ala mkra mlih mâo Knŭk kna ba mdah hŏng 7 êpul hdră êlan, hlăm anăn năng mđing jing hdră êlan ngăn prăk lăn ala leh anăn ênoh lăn ala. Hluê anăn, ênoh lăn ala kyua Knŭk kna bi mklă hluê si mta kñăm, wưng ba yua lăn, klei hâo hưn ba nao leh anăn dŭm klei čuăn hdră bhiăn djŏ tuôm. Mbĭt hŏng anăn, klei čih pioh lăn ala srăng dưi mkŏ, kah mbha hŏng klei čih pioh mơ̆ng dŭm dhar bruă, mta bruă.

Bruă anei mâo klei čang hmăng đru ksiêm dlăng anôk mnia mblei, bi hrŏ klei ngă mgưt ênoh, mkŏ mjing ênoh mgưt, mbĭt anăn rơ̆ng hdră mkăp djŏ guôp kơ ênoh ênil đĭ mơ̆ng lăn. Knŭk kna ăt ba mdah klei čuăn klă klơ̆ng kơ ênoh lăn leh anăn ênoh mkra mlih ênoh lăn, ngă tur knơ̆ng tĭng mkă dŭm ênoh prăk hrui wĭt mơ̆ng lăn; bi mklă ênoh yuôm klei dưi yua lăn tơdah bi mguôp hŏng anôk bruă duh mkra knŭk kna leh anăn tĭng mkă prăk bi liê tơdah Knŭk kna hrui mă lăn.