Čar Dak Lak ară anei mâo 34 msat lĭng kahan djiê êngiă hŏng êbeh 15.200 msat, hlăm anăn êbeh 4.100 msat ka dưi bi mklă klei hâo hưn leh anăn êbeh 4.000 msat čiăng mă mta mkă dlăng ADN. Mbĭt hŏng bruă mă mta ADN, čar bi mklă leh 584 krĭng mâo klei hâo hưn msat lĭng kahan djiê êngiă ka dưi bi kƀĭn, hŏng êbeh 6.000 msat čiăng lŏ bi mklă. Dŭm êpul êya ksiêm dlăng leh ti 79 să, ƀuôn hgŭm, msir mghaih 90 phŭn klei hâo hưn leh anăn bi kƀĭn mâo 7 klang lĭng kahan djiê êngiă.

Ti Campuchia, yan bhang mrâo êgao, Êpul K51 bi kƀĭn mâo 27 klang lĭng kahan djiê êngiă. Ară anei Dak Lak dôk mjêč mtrŭt mđĭ hnơ̆ng ngă bruă čiăng dưi mâo mta kñăm bi kƀĭn 180 klang lĭng kahan djiê êngiă leh anăn bi leh mă mta kơ 4.019 msat lĭng kahan djiê êngiă ka bi mklă anăn hlăm thŭn 2026.