VOV.Êđê- Kkuh drông klei ruah khua phung bi ala Bruă kƀĭn ala gưl XVI leh anăñ Êpul gơ̆ng bruă ƀuôn sang dŭm gưl, wưng 2026 – 2031, ti să knông lăn Ia Lốp, čar Dak Lak, bruă Đảng, bruă sang čư̆ êa, hŏng mnuih ƀuôn sang dôk mjêč, gĭr ngă bruă mprăp kơ klei ruah khua mkŏ mjing tŭ jing, jăk siam.

VOV.Êđê - Tŭ drông klei kƀĭn kluôm tal 14 mơ̆ng Đảng, tlam mbruê 15/1, Kahan alŭ wăl 5 mkŏ mjing knăm mphŭn rŭ mdơ̆ng sang bi kƀĭn ƀuôn ti ƀuôn Kđoh, să Cư̆ Pơ̆ng, čar Dak Lak.

VOV.Êđê - Ară anei, dŭm anôk bruă kđi čar ti čar Gia Lai, mơ̆ng nah gŭ truh kơ gưl čar, dôk mdidng bi leh dŭm klei găl mâo kñăm mprăp kơ hdră ruah phung bi ala Anôk bruă kƀĭn ala gưl XVI lehanăn Êpul gơ̆ng bruă ƀuôn sang dŭm gưl wưng thŭn 2026 – 2031 dưi mkŏ mjing hŏng klei êđăp ênang, ngă phŭn mil pô lehanăn tŭ jing.

VOV.Êđê- Hlăm ai êwa kluôm ala mđing kơ Klei bi kƀĭn phung bi ala kluôm ala tal XIV mơ̆ng Đảng - klei kđi čar yuôm bhăn hŏng êdei anăp đĭ kyar mơ̆ng lăn čar, ti Dak Lak, klei đăo knang, klei čang hmăng leh anăn ai êwa jăk mơak dôk lar êlam hlăm mnuih ƀuôn sang. Mơ̆ng krĭng ƀuôn prŏng truh kơ ƀuôn sang krĭng knông lăn, mơ̆ng knuă druh nah gŭ truh kơ phung êdam êra, djăp bruă ngă klă sĭt hruê anei bi êdah ai tiê sa ai, klei đăo knang kjăp hlăm klei Đảng gĭt gai leh anăn klei tŭ jing mơ̆ng Klei bi kƀĭn.

VOV.Êđê- Ti dŭm čar kwar krah lehanăn lăn dap kngư, kahan alŭ wăl 5 mkŏ mjing leh bruă jao pưk sang gưl 2 mơ̆ng “Hdră êlan Quang Trung”, mơ̆ng anăn, mâo bi leh jih jang bruă leh 1 mlan mă bruă, jing pral hĭng 5 hrue mkă hŏng wưng Khua knŭk kna kčah.

VOV.Êđê- Ti să Tây Hòa, Kahan ksiêm čar Dak Lak mkŏ mjingh klei jao sang dôk kơ dŭm gŏ sang mâo sang dlưh rai, đung, jhat rai kyua angĭn êbŭ ngă, klă sĭt bi leh “Hdră êlan Quang Trung”.

VOV.Êđê- Hruê 15/3 kơ anăp, mnuih ƀuôn sang kluôm ala srăng nao ruah pô bi ala Anôk bruă kƀĭn ala gưl XVI lehanăn bi ala Êpul gŏng bruă ƀuôn sang dŭm gưl, wưng thŭn 2026-2031. Ti Dak Lak, dŭm hruê anei, ai êwa mprăp kơ hdră ruah khua dôk lar bra mơ̆ng ƀuôn prŏng truh kơ krĭng ƀuôn sang. Hdră mtô mblang kơ klei ruah khua dưi pŏk ngă hnưm, ti djăp anôk, đru kơ mnuih ƀuôn sang thâo klă klei dưi, bruă klam lehanăn hruê mmông yuôm bhăn. Mbĭt hŏng bruă rơ̆ng wưng lehanăn dŭm hdră ngă djŏ hdră bhiăn, hdră bi kƀĭn tŭ ư kơ ênoh mnuih lehanăn mkŏ dăp phung bi ala dưi bi leh, hlăm anăn mđing kơ phung bi ala jing mnuih djuê ƀiă lehanăn phung mniê.

VOV.Êđê- Hlue ngă “Hdră êlan Quang Trung” mkŏ mjing, mkra sang kơ mnuih ƀuôn sang ti krĭng êa lip, Êpul kahan knhăk 198 mâo Êpul kahan knhăk - Phŭn bruă lĭng kahan jao bruă klam pŏk ngă mdơ̆ng 18 boh sang kơ dŭm gŏ êsei mnuih ƀuôn sang ti alŭ Phú Phong (să Hoà Thịnh, čar Dak Lak) mâo sang dlưh rai jih. Hŏng ai tiê mjêč, jih ai tiê, leh êbeh 1 mlan pŏk ngă, 5 boh sang bi leh, dŭm boh adôk hlăm wưng knhal tuč, Êpul kahan dôk gĭr bi leh hnưm klei kñăm hlăm hdră mă bruă.

VOV.Êđê - Hdră kñăm ala čar mđĭ kyar bruă duh mkra- ala ƀuôn krĭng mnuih djuê ƀiă leh anăn krĭng čư̆ čhiăng dôk mđĭ lar klei tŭ dưn jăk ti čar Dak Lak, mơ̆ng anôk bruă nah gŭ, đru kơ bruă mkra mjing, răng kriê dhar kreh truh kơ bruă mdrao mgŭn - sang hră. Dŭm hruê anei, boh tŭ ƀrư̆ klă mngač tơdah dŭm hdră bruă bi hgŭm ênoh yuôm kphê klă sĭt mâo klei tŭ dưn, hŏng dŭm gưl êdeh mdiăng kphê mơ̆ng pưk hma wĭt kơ dŭm anôk mkra mjing. Klei bi hgŭm hlăm bruă răng kriê, đru brei mơ̆ng Knŭk kna, êbeh leh klei mkă hnơ̆ng tŭ dưn bruă duh mkra, mđing mđĭ klei bi hgŭm leh anăn đăo knang hlăm êpul êya.

VOV.Êđê - Khua lăn čar siñê Hdră mtrŭn kơ bruă mđup brei mnơ̆ng kơ phung mâo ai hŏng lăn čar ƀri gưl Tết Nguyên đán Bính Ngọ 2026.