VOV.Êđê- Hŏng klei gĭr ktưn prŏng mơ̆ng jih bruă kđi čar hlăm bruă pŏk ngă dŭm hdră bruă, hdră mtrŭn kñăm mđĭ klei hdĭp mnuih ƀuôn sang, truh kơ ară anei, ƀuôn prŏng Cần Thơ dưi bi hrŏ leh ênoh gŏ êsei ƀun knŏng adôk giăm 0.6%, boh nik hlăm krĭng mnuih djuê ƀiă.

VOV.Êđê- Hdră mtrŭn 246/2026/NĐ-CP mơ̆ng Knŭk kna bi klei klei ƀuah mkra klei ngă soh hlăm bruă kan hdang srăng dưi ba yua mơ̆ng hruê 18/8, hŏng lu klei čuăn mrâo leh anăn hnơ̆ng đŭ bi kmhal đĭ lu hŏng lu klei ngă soh. Čiăng kơ phung mă kan hdang thâo klă, čŏng pô ñĕ mơ̆ng klei soh, dŭm êpul bruă djŏ tuôm ti čar Gia Lai dôk mtrŭt mđĭ klei hâo hưn ti dŭm kdrŭn kan leh anăn anôk jưh kŭm păn. Anei ăt jing bruă bi êdah klei gĭr gang mkhư̆ klei trai mă kan hdang soh hdră bhiăn (IUU) ti Gia Lai.

VOV.Êđê- Êpul K52, Anôk bruă gĭt gai lĭng kahan čar Gia Lai lŏ dơ̆ng kƀĭn thiăm 2 klang kahan êngiă asei ti krĭng wăl ƀuôn Sơr, să Ia Boòng, čar Gia Lai

VOV.Êđê- Tlam mbruê 13/8, gĭt gai mmông mă bruă hŏng dŭm phŭnm dhar bruă kơ đa đa bruă klam phŭn mơ̆ng Êpul gĭt gai ala čar kơ bruă tui duah, bi kƀĭn, bi klă anăn klang kleh lĭng kahan êngiă asei (Êpul gĭt gai mrô 515), k’iăng Khua Knŭk kna Phạm Thị Thanh Trà mñă brei mjêč mkŏ mjing, bi mbŏ klei čih pioh kơ kơ lĭng kahan djiê êngiă, msat lĭng kahan êngiă asei, mkŏ mjing tur knơ̆ng đru tŭ dưn hŏn kơ bruă tui duah, bi kƀĭn leh anăn bi klă anăn klang kleh lĭng kahan êngiă asei.

VOV.Êđê- Mprăp kơ thŭn hriăm mrâo 2026 - 2027, dhar bruă sang hră mơar čar Lâm Đồng dôk bi pral bi leh kdrăp mnơ̆ng yua, êpul bruă leh anăn dŭm klei găl čiăng êdi, mbĭt anăn hluê ngă dŭm hdră êlan mkŏ dăp sang hră hluê si hdră khuăt, tŭ dưn.

VOV.Êđê- Kluôm ala dôk hgŭm kngan hluê ngă hdră bruă "500 hruê mlam mtrŭt mđĭ hdră tui duah, bi kƀĭn lehanăn bi mklă anăn phung lĭng kahan djiê êngiă". Ti Quảng Ngãi, mbĭt hŏng klei gĭr mơ̆ng anôk bruă djŏ tuôm, mâo sa mta hră mơar yuôm bhăn dôk čuh pui klei čang hmăng kơ lu gŏ sang. Anăn jing hdruôm hră čih klei hâo hưn mơ̆ng 181 čô lĭng kahan djiê êngiă ti Sang êa drao B23 mơ̆ng thŭn 1968, mơ̆ng ung mô̆ nai êa drao Đào Ngọc Thạnh kriê pioh kjăp hlăm brô 60 thŭn êgao.

VOV.Êđê- Leh êbeh 10 mlan ngă bruă rŭ mdơ̆ng, dŭm sang hră Knŭk kna rông ba mlir gưl hriăm ti knông lăn Ia Lôp, Ia R’Vê leh anăn Ƀuôn Đon, čar Dak Lak dưi ngă leh, srăng mâo Bruă sang čư̆ êa čar bao jao êlâo kơ hruê 25/8 kơ anăp

VOV.Êđê- Giăm hruê nao sang hră, ƀiădah Sang hră knŭk kna rông ba mnuih djuê ƀiă čar Lâm Đồng (krĭng wăl Bình Thuận hđăp) ăt dôk mtŭk mtŭl kyua hdră bruă mkra mđĭ mâo ênoh 61 êklai prăk.

VOV.Êđê- Hluê ngă "Hdră bruă 500 hruê mlam mtrŭt mđĭ bruă tui duah, bi kƀĭn leh anăn bi mklă anăn klang kleh phung kahan djiê êngiă", Anôk bruă gĭt gai 515 čar Lâm Đồng bi leh bruă mă mta ADN klang kleh phung kahan djiê êngiă, hnưm 3 mlan mkă hŏng hdră kčah.

VOV.Êđê- Hlăm Hdră 500 hruê mlam tui duah, bi kƀĭn klang kleh phung êngiă asei, mnuih ƀuôn sang Khánh Hòa dôk hur har đru mguôp klei hâo hưn, atăt êlan kơ êpul ngă bruă.