Hluê si klei hưn mdah boh tŭ hluê ngă hdră bruă “500 hruê mlam mtrŭt mđĭ bruă tui duah, bi kƀĭn leh anăn bi klă anăn klang kleh lĭng kahan êngiă asei”, truh kơ ară anei, dưi tui duah, bi kƀĭn mâo 1.715 klang kleh lĭng kahan êngiă asei, mâo êbeh 245, mkŏ mjing klei mă mta ksiêm mkă ti 124.762 msat lĭng kahan êngiă asei, mâo êbeh 58%.

Mnă ktang, bruă tui duah, bi kƀĭn leh anăn bi klă anăn klang kleh lĭng kahan êngiă asei jing asăp mtrŭn mơ̆ng ai tiê leh anăn bruă klam kđi čar, k’iăng Khua Knŭk kna Phạm Thị Thanh Trà jao kơ adŭ bruă Êpul gĭt gai mrô 515 bi mguôp hŏng dŭm alŭ wăl, gĭr bi leh 130 hră mơar kơ klei čih hưn lĭng kahan êngiă asei hlăm thŭn anei, mkŏ mjing hdră ngă hră mơar msat lĭng kahan êngiă asei hluê si hdră klă pô, klă bruă, klă mmông leh anăn boh tŭ dưn.