VOV.Êđê- Ti anôk bi kƀĭn thơ̆ng kơ bruă tal dua, Êpul gơ̆ng bruă ƀuôn sang čar Dak Lak gưl XI mrâo bi mklă Hdră mtrŭn kčah mtrŭn ênoh đru kơ mnuih ngă bruă amâo thơ̆ng ti alŭ, ƀuôn.

VOV.Êđê- Anôk bruă Đảng knơ̆ng bruă sang čư̆ êa čar Gia Lai mrâo mâo hră mơĭt kơ Anôk dlăng bruă Đảng čar kơ hdră êlan đru hdruôm hră hriăm kơ êbeh 182.000 čô hđeh hriăm hră hlăm dŭm êpul mđing tal êlâo, hŏng ênoh hdruôm hră pioh čŏng mă yua năng ai hlăm brô 42 êklai prăk, mơ̆ng ngăn prăk alŭ wăl thŭn 2026.

VOV.Êđê- Ti anôk bi kƀĭn amâo kčah tal Sa, Bruă kƀĭn ala gưl XVI, hlăk bi trông hlăm êpul kơ Hdră bhiăn Hâo hưn, mtô mblang hdră bhiăn (lŏ mlih mrâo), Khua bruă kƀĭn ala Trần Thanh Mẫn mñă klă, bruă mkra mlih hdră bhiăn amâo djŏ knŏng bi leh jar klei bhiăn ôh ƀiădah lŏ ngă djŏ klei čiăng mơ̆ng mnuih ƀuôn sang kơ sa hdră bhiăn giăm mnuih ƀuôn sang, ênưih thâo săng leh anăn klă sĭt ba yua hlăm klei hdĭp. Hluê si Khua bruă kƀĭn ala, grăp čô mnuih ƀuôn sang brei hdĭp leh anăn mă bruă hluê hdră bhiăn phŭn leh anăn hdră bhiăn, kyua anăn bruă hâo hưn, mtô mblang hdră bhiăn brei mlih mrâo ktang phĭt, mkŏ mjing klei bhiăn mpŭ kơ hdră bhiăn hlăm kluôm yang ƀuôn.

VOV.Êđê- Čiăng rơ̆ng 2 Sang hră knŭk kna rông ba mnuih djuê ƀiă mlir gưl sa leh anăn gưl dua ti dŭm să knông lăn Thuận An leh anăn Quảng Trực hmao ba ngă bruă hlăm thŭn hriăm 2026–2027, Knơ̆ng bruă sang čư̆ êa čar Lâm Đồng dôk gĭt gai jih hnơ̆ng, ktuê dlăng hnơ̆ng rŭ mdơ̆ng leh anăn bruă mprăp kơ thŭn hriăm mrâo.

VOV.Êđê- Việt Nam jing ala čar mâo lu klei đăo, hŏng êbeh 95% ênoh mnuih ƀuôn sang mâo klei đăo. Klei bi kƀĭn klei đăo mbruă, bi kna hlăm klei hdĭp grăp hruê mơ̆ng mnuih ƀuôn sang. Ti dŭm ƀuôn prŏng amâodah krĭng ƀuôn sang, dŭm sang bi kƀĭn pŏk ƀăng drông phung đăo nao bi kƀĭn leh anăn wăt hlăm dŭm knăm yuôm bhăn. Phung đăo mâo klei êngiê bi êdah klei đăo pô.

VOV.Êđê- Hruê mbruê 5/8, Knơ̆ng bruă djuê ana leh anăn klei đăo čar Dak Lak pŏk leh adŭ mjuăt bi hriăm bruă knuă hlăm klei đăo kơ giăm 200 čô knuă druh thơ̆ng kơ bruă anei ti dŭm să, ƀuôn hgŭm hlăm čar.

VOV.Êđê- Hruê mbruê (4/8), Bruă kƀĭn ala gưl XVI mŭt hlăm hruê mă bruă tal dua mơ̆ng Klei bi kƀĭn mjêč tal sa.

VOV.Êđê- Hluê ngă klei gĭt gai mơ̆ng Knŭk kna, Bruă sang čư̆ êa čar Dak Lak mrâo ba mdah dŭm klei bi mklă, mkra mlih, bi mbŏ êbeh 215 êklai prăk čiăng hluê ngă wưng tal 2 rŭ mdơ̆ng dŭm sang hră Knŭk kna rông ba mlir gưl hriăm ti knông lăn.

VOV.Êđê- Hruê anei 3/8 phŭn pŏk klei kƀĭn êngao hdră tal 1, Bruă Kbĭn ala gưl 16. Mprăp kơ gưl kƀĭn anei, Êpul bi ala Bruă Kbĭn ala dŭm čar Lăn Dap Kngư bi mguôp hŏng dŭm anôk bruă thơ̆ng mă klei blŭ mguôp hŏng dŭm hdră bhiăn, hdră mtrŭn yuôm bhăn. Anei jing bruă ngă čiăng bi lar bruă klam kdrông mkŏ plah wah phung bi ala hŏng mnuih ƀuôn sang, rơ̆ng kơ dŭm klei čuăn hdră bhiăn êjai ba mdah nao klă hŏng boh sĭt, bi mâo djăp klei čuăn đŭ kyar hlăm ênuk mrâo.

VOV.Êđê- Dŭm pluh thŭn leh hruê wĭt kahan, lu phung kahan êka êkeh ti Dak Lak ăt dôk ngă bruă hlăm đang kphê, durian, tiu. Găn klei ruă duam, diñu amâo djŏ knŏng mkŏ mjing bruă duh mkra gŏ sang ôh ƀiădah lŏ myơr lăn mkra mjing, kah mbha klei thâo mkra mjing, đru mkŏ mkra krĭng ƀuôn sang mrâo leh anăn bruă sang čư̆ êa nah gŭ. Phung lĭng kahan hlăk đưm lŏ dơ̆ng duh myơr hlăm klei mă bruă leh anăn mkŏ mkra ƀuôn sang.