VOV.Êđê- Tlam hruê 23/7, ƀri bi hdơr 78 thŭn Hruê kahan êka êkeh – Djiê êngiă, Kơiăng khua knŭk kna Trần Hồng Hà nao čuă, mđup brei leh mnơ̆ng kơ Amĭ Việt Nam Jhŏng ktang, gŏ sang djiê êngiă, kahan êka êkeh ti čar Đồng Nai.

VOV.Êđê- Hdră ala čar kñăm mđĭ kyar bruă duh mkra – ala ƀuôn hlăm krĭng mnuih ƀuôn sang djuê ana ƀiă lehanăn krĭng čư̆ čhiăng wưng thŭn 2021-2025, hŏng Hdră bruă 8 mâo Êpul hgŭm bruă mniê Việt Nam gĭt gai, ba wĭt leh boh tŭ dưn jăk siam. Snăn, ya jing klei hriăm phŭn mơ̆ng akŏ wưng lehanăn kơ wưng ti anăp si srăng pŏk ngă čiăng mtrŭt mđĭ klei mtăp mđơr êkei mniê, msir mghaih dŭm bruă mjêč lehanăn amâo lui hlei pô dôk ti tluôn? Ti gŭ anei, mâo klei êmuh hŏng Nguyễn Thị Minh Hương, kơiăng khua Êpul hgŭm bruă mniê Việt Nam srăng wĭt lač kơ klei anei.

VOV.Êđê- Hlăm ktuê êlan bi mlih ktang phĭt mơ̆ng Hdră tuh tia bi mrâo mrang 4.0, si srăng ngă čiăng kơ dŭm boh tŭ yuôm dhar kreh djuê ana lehanăn klei thâo săng yuôm bhăn ti krĭng lăn amâo mâo luič ram, amâo wơr bĭt? Si srăng ngă čiăng bi mguôp klei anei hŏng kdrăp mrâo, mjing boh kdrŭt kơ hdră duh mkra krĭng mnuih ƀuôn sang djuê ana ƀiă lehanăn krĭng čư̆ čhiăng? Klei wĭt lač dôk ti bruă mprăp klei thâo kơ hdră duh mkra mrô kơ phung mniê mnuih djuê ana ƀiă.

VOV.Êđê-Aguah 22/7, ƀri gưl bi hdơr 78 thŭn Hruê phung kahan êka êkeh - êngiă asei (27/7), K’iăng Khua bruă kƀĭn ala Nguyễn Thị Thanh hŏng êpul mă bruă nao čhưn leh anăn mđup brei mnơ̆ng kơ dŭm gŏ sang knŭk kna dlăng ba ti Đà Lạt, čar Lâm Đồng.

VOV.Êđê- Leh klei bi kƀĭn tal 9, Êpul bi ala Bruă kƀĭn ala dŭm čar Dak Lak leh anăn Lâm Đồng mkŏ mjing leh klei bi tuôm hŏng phung bi ala kơ mnuih ƀuôn sang hŏng hdră sa anôk leh anăn online. Phung bi ala čang hmăng knŭk kna hnưm mâo hdră tă đĭ kyar mrâo, djŏ guôp hŏng klei bi mguôp dhar kreh êa ksĭ - dliê kmrơ̆ng. Mbĭt anăn akâo kƀĭn hlăm bruă mbha gưl, mbha klei dưi hlăm gru hmô bruă sang čư̆ êa dua gưl, bi liê kơ anôk bruă nah gŭ ti krĭng mnuih djuê ƀiă.

VOV.Êđê - Ti Thuận Châu (hđăp), ară anei jing să Thuận Châu; Chiềng La; Nậm Lầu; Muổi Nọi; Mường Khiêng; Co Mạ; Bình Thuận; Mường É leh anăn Long Hẹ ti čar Sơn La hŏng êbeh 90% čô mnuih djuê ƀiă, klei amĭ tuôm hŏng lu klei dleh dlan lông dlăng. Kyua mâo Hdră bruă 8 hlam Hdră kñăm ala čar, dŭm êbâo čô jing amĭ ti krĭng čư̆ čhiăng ară anei êđăp ênang leh.

VOV.Êđê - Hlăm Hdră kñăm ala čar mđĭ kyar bruă duh mkra - ala ƀuôn krĭng ƀuôn sang djuê ƀiă leh anăn krĭng čư̆ čhiăng mâo Hdră bruă “Hlue ngă klei mtăp mđơr êkei mniê leh anăn msir mgaih klei mjêč hŏng phung mniê leh anăn hđeh điêt” (Pia klah čŭn jing Hdră bruă 8). Hlăm dŭm thŭn êgao, hdră bruă anei bi mguôp hŏng dŭm hdră mkăn. Mơ̆ng klei ksiêm hriăm boh sĭt pŏk ngă, phung kreh knhâo kčĕ nanao kơ êdei anăp, hdră bruă kơ klei mtăp mđơr êkei mniê brei dưi mđing bi liê.

VOV.Êđê - Êpul gơ̆ng bruă ƀuôn sang čar Lâm Đồng mrâo bi klă leh hdră mtrŭn bi liê giăm 300 êklai prăk kơ hdră ala čar kñăm mđĭ kyar bruă duh mkra ala ƀuôn krĭng mnuih djuê ƀiă lehanăn krĭng čư̆ čhiăng thŭn 2025.

VOV.Êđê - Hlăm wưng êgao, Binh đoàn 15 jing sa anôk bruă êdah êdi hlăm hdră đru kơ mnuih ƀuôn sang čar Gia Lai msir lăm sang dôk êjai, sang tĭ ƀrôč. Mơ̆ng anăn, pŏk rup Lĭng kahan Awa Hô sa blư̆ dơ̆ng dưi bi mklă jăk siam, đru mguôp ksiêk kjăp klei khăp lĭng kahan – mnuih ƀuôn sang ti krĭng knông lăn lăn dap kngư.

VOV4.Êđê- Čar Gia Lai dôk mdơ̆ng sang dôk kơ yang ƀuôn kñăm pioh đru bi hơĭt anôk dôk kơ phung knuă druh.