VOV4.Êđê - Ti Hà Nội, Khua gĭt gai Đảng Tô Lâm gĭt gai klei bi kƀĭn bi tuôm hŏng dŭm ênuk phung bi ala Bruă kƀĭn ala mơ̆ng dŭm ênuk ƀri gưl bi hdơr 80 thŭn krŭ kdơ̆ng mlan 8 leh anăn Mphŭn mkŏ mjing ala čar 2/9 leh anăn mđing truh kơ klei bi hdơr 80 hruê - Hruê Ruah Khua kluôm tal êlâo ruah Bruă kƀĭn ala Việt Nam. Klei Khua gĭt gai Bruă kƀĭn ala Tô Lâm hlăm klei anei ba sa klei hâo ktang snăk. Anăn jing klei čih yap, mpŭ hŏng klei duh myơr amâo êgăh êmăn mơ̆ng dŭm ênuk phung bi ala mnuih ƀuôn sang.

VOV.Êđê- Aguah mbrue 26/8, ti Đà Lạt, Êpul khua kiă kriê bruă mặt trận čar Lâm Đồng mkŏ mjing klei bi tuôm ƀô̆ mta phung khua kiă kriê klei đăo ƀri bi hdơr 80 thŭn klei kgŭ krŭ kdơ̆ng mlan 8 lehanăn hrue mkŏ mjing lăn čar hrue 2/9.

VOV.Êđê- K’iăng khua knŭk kna bi klă klei phưi êngiê mnă jing bruă prŏng, bi êdah hdră êlan thâo pap mơ̆ng Đảng lehanăn knŭk kna, kñăm mđĭ ai phung mnă mjuăt hriăm bi jăk, pral mâo wĭt hŏng găp djuê, ƀuôn sang

VOV.Êđê- Khua knŭk kna bi êdah klei mơak hlăk Việt Nam dưi bi leh mta kñăm msir lăm sang dôk êjai sang tĭ ƀrôč hlăm kluôm ala, jing boh tŭ êdah êdi, kkuh mơak 80 thŭn Hruê krŭ kgŭ kdơ̆ng mlan 8, hruê mkŏ mjing ala čar 2/9.

VOV.Êđê- Khua knŭk kna mñă kơ dŭm phŭn, dhar bruă, alŭ wăl, boh nik jing phŭn bruă kahan ksiêm lŏ dơ̆ng bi lar knhuah gru hdơr knga tla ai, kriê dlăng gŏ sang knŭk kna dlăng ba, phung mâo bruă tŭ dưn, boh nik jing phung kahan ksiêm tuôm nao đru kơ kdrăn mblah kwar Dhŭng.

VOV.Êđê- Aguah hruê 25/8, Bruă Đảng čar, bruă sang čư̆ êa, Êpul gơ̆ng bruă ƀuôn sang, dhar bruă mặt trận čar Quảng Ngãi mkŏ mjing klei kƀĭn bi lông ktưn khăp kơ lăn čar čar Quảng Ngãi gưl tal 1 (2025 – 2030), ksiêm wĭt dŭm boh tŭ dưn dưi mâo mơ̆ng hdră bruă bi lông ktưn khăp kơ lăn čar leh anăn klei pah mni wưng thŭn 2020 – 2025, mbĭt anăn ba mdah dŭm hdră tă, bruă klam kñăm kơ wưng thŭn 2025 – 2030.

VOV.Êđê - Dhar bruă gĭt gai anôk bruă kƀĭn ala bi tŭ ư ba mdah kơ Anôk bruă kƀĭn ala ksiêm dlăng, mkra mlih kluôm Hdră bhiăn hluê ngă klei mkiêt mkriêm, bi kdơ̆ng hŏng klei bi liê ti Klei bi kƀĭn tal 10 anăp truh hluê hdră khuăt. Mta kñăm jing mjing tur knơ̆ng djŏ hdră bhiăn kluôm, kjăp, čiăng mkiêt mkriêm, bi kdơ̆ng hŏng klei bi liê pliă plia jing knhuah hdĭp jăk mơ̆ng grăp čô, kñăm mjing boh kdrŭt đĭ kyar hơĭt kjăp.

VOV.Êđê- Čar Daklak mrâo bi leh bruă lăm lui sang hlang sang mtih kđuh sang hluh ƀrôč, đru kơ dŭm gŏ sang dleh dlan klei kơ sang dôk.

VOV.Êđê- Lŏ dơ̆ng hlăm klei bi kƀĭn tal 48, tlam mbrue (12/8), Dhar bruă gĭt gai bruă kƀĭn ala mă klei blŭ kơ bruă čih mkra hdră bhiăn bruă kƀĭn ala lehanăn êpul gơ̆ng bruă ƀuôn sang kăp ksiêm, lŏ dơ̆ng mlih mrâo.

VOV.Êđê- Dhar bruă gĭt gai Anôk bruă kƀĭn ala mrâo mkŏ mjing Klei bi kƀĭn trông kơ bruă ksiêm dlăng hŏng akŏ “Hdră ksiêm dlăng mơ̆ng Anôk bruă kƀĭn ala čiăng mĭn mjing kơ hdră đĭ kyar mrâo”. Ti anôk bi kƀĭn trông, Khua anôk bruă kƀĭn ala Trần Thanh Mẫn mñă, Dhar bruă gĭt gai Anôk bruă kƀĭn ala brei ksiêm dlăng nanao, wăt hŏng bruă mjêč čiăng pral hmao ƀuh dŭm klei dleh kpăk, pral ruh mtlaih klei dleh dlan.