Wưng ngă bruă mơ̆ng 2026 -2027. Hlăm ênoh prăk êbeh 215 êklei prăk dưi bi mbŏ, mâo hlăm brô 184 êklai prăk ngăn prăk gưl dlông, êbeh 31 êklai prăk ngăn prăk čar Dak Lak. Knơ̆ng bruă sang čư̆ êa čar Dak Lak thiăm mbŏ kơ Sang hră gưl hriăm điêt kdriêk Ia Lốp 68 êklai prăk; Sang hră gưl hriăm điêt kdriêk Ia R'vê dưi thiăm mbŏ 59 êklai prăk; Sang hră gưl hriăm điêt kdriêk Ƀuôn Đon dưi thiăm mbŏ 89 êklai prăk. Phŭn prăk anei ba yua čiăng duh bi liê dŭm mta bruă msĕ si rŭ mdơ̆ng thiăm sang hră, sang dlăng hră, sang mă bruă kơ phung nai lehanăn dŭm hdră bruă mkăp kơ hdră mtô leh anăn hriăm mơ̆ng dŭm sang hră.

Wưng thŭn 2025 – 2027, čar Dak Lak pŏk ngă rŭ mdơ̆ng 3 Sang hră knŭk kna čiêm rông mlir gưl ti krĭng knông lăn, mâo Ia Lốp, Ia Rvê leh anăn Ƀuôn Đon, hŏng ênoh duh bi liê wưng tal 1 êbeh 390 êklai prăk. Dŭm sang hră brei bi leh leh anăn ba yua hlăm thŭn hriăm 2026 – 2027. Thŭn hriăm mrâo 2026 – 2027, dŭm sang hră knŭk kna čiêm rông mlir gưl ti krĭng knông lăn čar Dak Lak srăng drông hlăm brô 3.100 čô hđeh mơ̆ng adŭ 1 truh kơ adŭ 9.