Hluê si klei kčĕ, hđeh sang hră čar Gia Lai srăng dưi čŏng mă yua hdruôm hră djăp ênŭm hluê si hdră dôk hriăm. Hdruôm hră mơ̆ng Knŭk kna blei mprăp kơ sang dlăng hră dŭm anôk bruă mtô bi hriăm; hđeh sang hră čŏng mă yua hlăm thŭn hriăm leh anăn lŏ wĭt jao čiăng lŏ dơ̆ng yua kơ dŭm thŭn hriăm êdei.

Hdră mĭn tĭng dưn yua hŏng hđeh hriăm hră gưl 2, gưl 3 leh anăn hđeh hriăm hră mjuăt nanao hlăm alŭ wăl čar hlăm dŭm êpul msĕ si: mnuih djuê ƀiă, amâo mâo jăk asei mlei, gŏ sang ƀun, gŏ sang giăm ƀun; phung hđeh amâo mâo pô rông ba; anak kahan djiê êngiă, kahan êka êkeh, kahan ruă duam leh anăn dŭm êpul mkăn. Hdră mĭn tĭng dưi hluê ngă mơ̆ng thŭn hriăm 2026-2027 truh kơ jih thŭn hriăm 2028-2029. Mơ̆ng thŭn hriăm 2029-2030, bruă amâo mă prăk hră hriăm srăng hluê ngă hluê si hdră mtrŭn mơ̆ng Gưl dlông.