VOV.Êđê- Êpul tui duah, bi kƀĭn klang lĭng kahan djiê êngiă ti să Đặng Thùy Trâm, čar Quảng Ngãi mrâo ƀuh 3 klang lĭng kahan djiê êngiă mbĭt hŏng lu mnơ̆ng dhơ̆ng.

VOV.Êđê- Leh 90 hruê pŏk ngă, Hdră bi hdơr kơ phung lĭng kahan djiê êngiă "Iêo anăn phung mngač ala čar - 2026" tŭ mă êbeh 11 êklai prăk, đĭ êbeh 3.6 blư̆ mkă hŏng hdră kčah tal êlâo (3 êklai prăk), bi knar giăm 70.000 gưl đru mguôp.

VOV.Êđê- Leh giăm 2 mlan pŏk ngă bruă ksiêm mkă dlăng klei suaih pral kluôm yang ƀuôn, anôk bruă mdrao mgŭn Dak Lak mâo ksiêm mkă dlăng amâo mă prăk êbeh 2 êklăk gưl čô mnuih. Leh bi mŭt mbĭt, čar Dak Lak mâo êbeh 3.3 êklăk čô mnuih.

VOV.Êđê- Khánh Hòa gĭr ktưn mtrŭt mjhar phung hđeh lŏ nao sang hră mơar mơ̆ng akŏ thŭn hriăm, mbĭt anăn pŏk ngă dŭm hdră êlan đru leh anăn duh bi liê sang hră mơar čiăng bi hrŏ klei bi kpleh bruă sang hră mơar krĭng kwar, klă klơ̆ng Hdră mtrŭn 71 mơ̆ng Phŭn bruă kđi čar kơ klei kdlưn hĭn mđĭ kyar bruă sang hră mơar leh anăn mtô bi hriăm.

VOV.Êđê- Leh hluê ngă hdră mkŏ dăp anôk bruă, anôk bruă knŭk kna, bruă kriê dlăng, ba yua tŭ dưn anôk mă bruă leh anăn ngăn drăp knŭk kna adôk jing boh klei mâo mnuih ƀuôn sang leh anăn mnuih ƀuôn sang mđing dlăng. Ti Gia Lai leh anăn Dak Lak, Êpul bi ala bruă kƀĭn ala dŭm alŭ wăl mrâo hluê ngă klei ksiêm dlăng thơ̆ng kơ bruă anei. Mơ̆ng anăn đru bi klă boh sĭt, thâo ƀuh dŭm klei dleh dlan leh anăn ba mdah hdră msir ba yua tŭ dưn ai dưi bruă knŭk kna, ñĕ kơ klei luč liê mang.

VOV.Êđê- Knơ̆ng bruă sang čư̆ êa čar Gia Lai mrâo mkra mlih hdră mkŏ dăp mnuih ƀuôn sang krĭng yan adiê ngă thŭn 2026.

VOV.Êđê- Ti dŭm ƀuôn krĭng mnuih djuê ƀiă Lăn Dap Kngư, krơ̆ng kjăp klei êđăp ênang amâo djŏ knŏng jing bruă klam mơ̆ng êpul bruă djŏ tuôm ƀiădah lŏ mâo klei đru mguôp kjăp mơ̆ng phung khua mduôn, mnuih mâo kơhưm. Ti Lâm Đồng, hŏng klei đăo knang, klei bi hmô leh anăn asăp blŭ mâo êpul êya đăo knang, diñu đru ba hdră êlan, hdră bhiăn truh kơ grăp gŏ sang, msir mghaih klei amâo thâo bi djŏ mơ̆ng hnưm, mtrŭt mjhar mnuih ƀuôn sang ñĕ kơ klei ngă soh, amâo hmư̆ klei mplư leh anăn hrăm mbĭt răng mgang klei êđăp ênang, klei êđăp ênang mơ̆ng nah gŭ. Mơ̆ng dŭm bruă ngă amâo ƀuh ƀiădah klă sĭt anăn, klei êđăp ênang dưi mkŏ mjing grăp hruê hlăm grăp ƀuôn êlan.

VOV.Êđê- Anôk bruă gĭt gai tui duah, bi kƀĭn leh anăn bi mklă anăn klang kleh lĭng kahan djiê êngiă čar Gia Lai mrâo mkŏ mjing Knăm ba nao kahan, jao bruă kơ Êpul K52 hluê ngă bruă klam tui duah, bi kƀĭn klang kleh lĭng kahan leh anăn phung thơ̆ng kơ bruă Việt Nam djiê êngiă ti Campuchia hlăm dŭm wưng, hlăm yan bhang 2026-2027.

VOV.Êđê- Hruê 7/9, êpul tui duah, bi kƀĭn klang kleh lĭng kahan djiê êngiă mơ̆ng Knơ̆ng gĭt gai lĭng kahan ƀuôn prŏng Hồ Chí Minh dưi ƀuh, bi kƀĭn thiăm 10 klang kleh lĭng kahan djiê êngiă leh anăn sa kdrăp mnơ̆ng ti Wăl B, war mnga Lê Thị Riêng.

VOV.Êđê- Blŭ hrăm ti Anôk bi kƀĭn tal 6 mơ̆ng Dhar bruă gĭt gai Anôk bruă kƀĭn ala hruê kăm êgao, Khua Anôk bruă kƀĭn ala Trần Thanh Mẫn bi mklă sa ai tiê mđing truh, sa hnơ̆ng: Hnơ̆ng lu ƀiădah hnơ̆ng tŭ jăk amâo dưi hrŏ; hruê mmông ktrŏ ƀiădah klei bhiăn amâo dưi êdu; mbha bruă klă snăn klei đua klam truh knhal tuč.