VOV4.Êđê- Tlam mbrue (23/1) ti Anôk bruă knŭk kna, K’iăng khua knŭk kna Lê Minh Khái-Khua êpul bruă kiă kriê klei kơ ênoh ênil, kiă kriê leh klei bi kƀĭn kơ boh tŭ dưn kiă kriê ênoh ênil thŭn 2023 lehanăn tă hdră kơ thŭn 2024.

VOV4.Êđê- K’iăng khua knŭk kna Trần Lưu Quang bi ala kơ phung khua kiă kriê Đảng, knŭk kna mđup brei leh mnơ̆ng kơ mnuih mâo bruă tŭ dưn, mnuih knŭk kna dlăng ba, lehanăn mnuih ngă bruă ti ƀuôn prŏng Hải Phòng ƀri wưng Tết Nguyên đán Giáp Thìn 2024.

VOV4.Êđê- Hlăm klei dleh dlan kluôm mơ̆ng hdră duh mkra tar rŏng lăn lehanăn hlăm ala čar, phung thơ̆ng kơ bruă ăt tĭng dlăng hnơ̆ng đĭ kyar bruă duh mkra Việt Nam 2024 ăt jing gru mngač mơ̆ng hdră duh mkra tar rŏng lăn. Klei yuôm bhăn jing Việt Nam brei mlih mrâo dŭm boh kdrŭt mâo leh mbĭt anăn lŏ mđĭ lar dŭm boh kdrŭt đĭ kyar mrâo. Hluê anăn, lu hdră msir mâo phung thơ̆ng kơ bruă ba mdah, hlăm anăn mñă bruă klam mơ̆ng bruă mtrŭt mđĭ klei bhiăn, hdră mtrŭn lehanăn hluê ngă kjăp boh kdrŭt đĭ kyar mrâo.

VOV4.Êđê- Să Hra, kdriêk Mang Yang jing alŭ wăl phŭn mâo Klei đăo soh Hà Mòn mơ̆ng čar Gia Lai. Kyua mđing kơ hdră mkŏ mjing đảng, mđĭ hnơ̆ng thâo êpul knuă druh, đảng viên rơ̆ng klei kiă kriê kluôm ênŭm mơ̆ng đảng, lu thŭn hŏng anei, ƀuôn Hra rơ̆ng kjăp klei êđăp ênang, klei hdĭp, bruă duh mkra mơ̆ng mnuih ƀuôn sang ƀrư̆ hruê dưi mkra mđĭ.

VOV4.Êđê- Hŏng ai tiê pral, đua klam, Klei bi kƀĭn mjêč tal 5, Bruă kƀĭn ala gưl 15 tŭ jing jăk siam. Bruă kƀĭn ala bi mklă 2 hdră bhiăn leh anăn 2 Hdră mtrŭn, hlăm anăn mâo 2 Hdră bhiăn yuôm bhăn, jing Hdră bhiăn lăn ala (lŏ mlih mrâo) leh anăn Hdră bhiăn dŭm êpul bruă brei čan prăk (lŏ mlih mrâo). Dlăng kơ boh tŭ êdah êdi hlăm klei bi kƀĭn tal anei, pô čih klei mrâo mâo klei čih “Thâo răng, đua klam- mjing boh kdrŭt mrâo kơ klei đĭ kyar”.

VOV4.Êđê - Tlam mbruê 19/1, ƀri wưng drông yan mnga Giáp Thìn thŭn 2024, Phan Đình Trạc, Khua hlăm phŭn bruă kđi čar, Khua hlăm bruă Đảng gưl dlông, Khua êpul kiă kriê bruă knuă gưl dlông leh anăn êpul ngă bruă mơ̆ng gưl dlông nao čuă leh anăn mđup brei hnư mnơ̆ng tết ti čar Cà Mau.

VOV4.Êđê- Tlam mbrue (18/1), Khua bruă kƀĭn ala Vương Đình Huệ nao čuă lehanăn mđup brei leh mnơ̆ng kơ mnuih ngă bruă ti knơ̆ng bruă JA Solar Việt Nam hlăm alŭ wăl duh mkra Quang Châu (Việt Yên, Bắc Giang).

VOV4.Êđê- Giăm truh Têt Djuê ana Giáp Thìn, hlăm wưng êgao, lĭng kahan răng mgang knông lăn dŭm čar hlăm krĭng Lăn dap kngư mkŏ mjing leh Hdră yan mnga knông lăn – H’uh mđao ai tiê mnuih ƀuôn sang”, hŏng lu bruă ngă klă sĭt čiăng mbĭt hŏng mnuih ƀuôn sang alŭ wăl rơ̆ng kjăp klei êđăp ênang m’ak yan mnga drông Têt. Mơ̆ng anăn, bi êdah leh klă klei hgŭm mguôp lĭng kahan Awa Hô hŏng mnuih ƀuôn sang krĭng knông lăn.

VOV4.Êđê- Adôk 20 hruê dơ̆ng truh yơh Têt Djuê ana Giáp Thìn. Hlăm wưng êgao, phung khua kiă kriê Đảng lehanăn Knŭk kna nao čuă čhưn, mđup brei leh mnơ̆ng kơ mnuih mă bruă ti krĭng lăn dap kngư.

VOV4.Êđê- Dŭm hruê êgao, ti krĭng knông lăn, êpul kahan răng mgang knông lăn čar Gia Lai pŏk ngă leh lu hdră tŭ yuôm čiăng kơ mnuih ƀuôn sang alŭ wăl rŏng klei êđăp ênang m’ak yan mnga drông Têt.