Leh jih wưng ngă bruă yan bhang 2025-2026, mơ̆ng hruê 25/6 truh kơ hruê 3/9, Knơ̆ng gĭt gai lĭng kahan čar Gia Lai lŏ dơ̆ng tiŏ nao êpul bi hgŭm hŏng êpul răng mgang, atăt êlan mơ̆ng 3 čar Ngŏ Dưr Campuchia hâo hưn, mtrŭt mjhar mnuih ƀuôn sang mkăp klei hâo hưn kơ msat lĭng kahan djiê êngiă, mkăp kơ bruă tui duah, bi kƀĭn yan bhang 2026-2027.

Hlăm wưng anei, Êpul K52 ksiêm dlăng leh ti 254 ƀuôn ti dua čar Ratanakiri leh anăn Stung Treng. Mơ̆ng hruê 12/8 truh kơ ară anei, Êpul mâo hrui m ƀĭn leh 5 klang lĭng kahan djiê êngiă, hlăm anăn 3 klang ti čar Ratanakiri lehanăn 2 klang ti čar Stung Treng; mbĭt anăn bi mklă, hrui m ƀĭn thiăm klei hâo hưn kơ phung lĭng kahan djiê êngiă dưi dơr tal êlâo. Mơ̆ng anăn, mđĭ ênoh Êpul mâo hrui m ƀĭn truh kơ ară anei jing 1536 klang phung lĭng kahan lehanăn phung thơ̆ng kơ bruă Việt Nam djiê êngiă ti Campuchia lehanăn ba wĭt kơ ala čar.