Hdră bruă Sang hră gưl sa leh anăn gưl dua să Êa Rôk dưi duh bi liê êbeh 136 êklai prăk hlăm ênhă giăm 6 ha, hŏng ênoh jih jang anôk rŭ mdơ̆ng êbeh 12.700 m2. Jih jang ênoh prăk rŭ mdơ̆ng sang hră mơ̆ng phŭn bruă lĭng kahan iêô mkrum dŭm êpul lĭng kahan đru. Leh êbeh 6 mlan rŭ mdơ̆ng, hdră bruă klă klơ̆ng bi leh dŭm mta bruă phŭn, djăp klei găl drông 530 čô hđeh sang hră hlăm thŭn hriăm mrâo 2026-2027 anei.

 Bruă ba sang hră ngă bruă amâo djŏ knŏng mjing klei găl čiăng kơ hđeh sang hră krĭng dleh dlan dưi hriăm hră, bi mguôp hlăm wăl anôk jăk hĭn, ƀiădah lŏ đru mđĭ klei thâo săng, bi kjăp bruă lĭng kahan - răng mgang klei êđăp ênang ti alŭ wăl krĭng Lăn Dăp Kngư.