Hluê si klei hưn mơ̆ng Êpul bi kƀĭn klang kleh lĭng kahan djiê êngiă, hlăm hruê, dŭm êpul lŏ tui duah ti anôk tal dua hlăm Wăl B, msir mghaih êbeh 500m³ lăn leh anăn pŏk mlar anôk ksiêm dlăng. Êpul tui duah, bi kƀĭn klang kleh lĭng kahan djiê êngiă mơ̆ng Knơ̆ng gĭt gai lĭng kahan ƀuôn prŏng Hồ Chí Minh dưi ƀuh, bi kƀĭn thiăm 10 klang kleh lĭng kahan djiê êngiă leh anăn sa kdrăp mnơ̆ng ti Wăl B, Wăl tač Lê Thị Riêng.

Yap mơ̆ng hruê 23/6 truh kơ jih hruê 7/9, dŭm êpul êya mâo ƀuh, bi kƀĭn jih jang 592 klang kleh phung êngiă asei, hlăm anăn 274 čô mâo mnơ̆ng bi knăl. Hlăm ênoh anei, 559 klang kleh dưi ƀuh ti dŭm anôk mdê mdê; 33 klang kleh dưi ƀuh ti 8 anôk msat bi kƀĭn, mâo dua anôk ti Wăl A lehanăn năm anôk ti Wăl B. Bruă tui duah, bi kƀĭn klang kleh phung êngiă asei ti Wăl tač mnga Lê Thị Riêng hlăk lŏ dơ̆ng pŏk ngă.