Mơ̆ng anăn, hlăm thŭn anei mtam, alŭ wăl srăng hluê ngă hdră mkŏ dăp, bi hơĭt mnuih ƀuôn sang kơ 1.133 gŏ sang ti dŭm krĭng huĭ hyưt yan adiê ngă, đĭ 153 gŏ sang mkă hŏng hdră kčah tal êlâo. Bruă mkra mlih kñăm mtrŭt mđĭ hdră mbĕ mnuih ƀuôn sang mơ̆ng krĭng klưh hroh, êngăp êa truh kơ anôk dôk êđăp ênang. Dŭm alŭ wăl dưi mtrŭt mđĭ hnơ̆ng ngă bruă mâo: Hdră lŏ mkŏ anôk dôk krĭng yan adiê ngă alŭ Trà Cong, să An Hòa; Hdră lŏ mkŏ anôk dôk krĭng yan adiê ngă kƀĭn alŭ Sông Ba, să Ia Rsai leh anăn Hdră lŏ mkŏ anôk dôk mjêč krĭng klưh hroh čư̆ Gành, alŭ Xuân An, să Đề Gi.

Mơ̆ng ară anei truh kơ thŭn 2030, čar Gia Lai mkŏ dăp, bi hơĭt anôk dôk kơ mnuih ƀuôn sang mơ̆ng krĭng mâo klei truh jŭ jhat jing 1858 gŏ êsei ti 13 hdră bruă lŏ mkŏ anôk dôk kƀĭn sa anôk leh anăn 3 hdră bruă mplĕ mbĭt. Ênoh čiăng bi liê hluê ngă jing êbeh 1.087 êklai prăk, hlăm anăn êbeh 207 êklai prăk đru klă anăp kơ mnuih ƀuôn sang wĭt kơ sang dôk, mbĕ đuê̆, mđĭ kyar bruă duh mkra pla mjing, mnơ̆ng ƀơ̆ng huă leh anăn êa yua.