Êpul tui duah, bi kƀĭn mâo phung knuă druh Anôk bruă gĭt gai lĭng kahan să Đặng Thùy Trâm, Đại đội Công binh 1 hlăm Knơ̆ng gĭt gai lĭng kahan čar Quảng Ngãi mbĭt hŏng êpul êya alŭ wăl leh anăn mnuih ƀuôn sang lŏ dơ̆ng pŏk mlar krĭng tui duah klang lĭng kahan djiê êngiă ti alŭ Đồng Răm.

Êpul tui duah kuai pŏk mlar leh anăn ƀuh 3 klang lĭng kahan djiê êngiă mbĭt hŏng dŭm mnơ̆ng dhơ̆ng msĕ si čhiăm guôm ƀô̆, ƀŭk leh anăn klei kă čhiăm guôm ƀô̆ jhat rai. Jih 3 klang lĭng kahan leh anăn mnơ̆ng dhơ̆ng mâo Adŭ bruă dhar kreh - ala ƀuôn să Đặng Thùy Trâm kriê dlăng, răng mgang. Msĕ snăn, truh kơ ară anei êpul tui duah mâo ƀuh, bi kƀĭn 6 klang lĭng kahan djiê êngiă ti krĭng wăl Sang êa drao Đức Phổ, lŏ pia jing Sang êa drao Awa Mười leh anăn dôk pŏk mlar tui duah klang lĭng kahan djiê êngiă adôk.