Dak Lak mđĭ boh tŭ dưn klei hâo hưn hŏng tač êngao, răng mgang klei dưi kiă kriê knông lăn
Thứ năm, 09:41, 17/09/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Hruê 16/9, Knơ̆ng bruă dhar kreh, mjuăt ktang asei mlei lehanăn hiu čhưn ênguê Dak Lak bi hgŭm hŏng Lĭng kahan răng mgang knông lăn čar, Knơ̆ng bruă sang čư̆ êa dŭm să Ia Rvê lehanăn Ia Lôp mkŏ mjing Klei bi kƀĭn kơ bruă hâo hưn hŏng tač êngao, hâo hưn kơ klei dưi kiă kriê knông lăn thŭn 2026.
Hlăm klei bi kƀĭn, phung bi ala dưi hâo hưn 3 êpul bruă phŭn: Bruă kriê dlăng, tă hdră hâo hưn hŏng tač êngao; răng mgang klei dưi kiă kriê krĭng lăn, klei êđăp ênang knông lăn ala čar; mbĭt hŏng dŭm klei thâo hlăm bruă hâo hưn lehanăn klei êđăp ênang hlăm êlan mạng.
Mbĭt anăn mjuăt bi hriăm klei thâo hdră bhiăn kơ klei dưi kiă kriê krĭng lăn, klei êđăp ênang knông lăn; mđĭ lar bruă klam, klei đua klam mơ̆ng gưl bruă Đảng, bruă sang čư̆ êa, dŭm êpul êya, khua mduôn, khua ƀuôn, mnuih mâo kơhưm leh anăn mnuih ƀuôn sang hlăm klei nao hgŭm răng mgang klei êđăp ênang knông lăn.
Viết bình luận