VOV.Êđê- Hruê mbruê 5/8, Knơ̆ng bruă djuê ana leh anăn klei đăo čar Dak Lak pŏk leh adŭ mjuăt bi hriăm bruă knuă hlăm klei đăo kơ giăm 200 čô knuă druh thơ̆ng kơ bruă anei ti dŭm să, ƀuôn hgŭm hlăm čar.

VOV.Êđê- Hruê mbruê (4/8), Bruă kƀĭn ala gưl XVI mŭt hlăm hruê mă bruă tal dua mơ̆ng Klei bi kƀĭn mjêč tal sa.

VOV.Êđê- Hluê ngă klei gĭt gai mơ̆ng Knŭk kna, Bruă sang čư̆ êa čar Dak Lak mrâo ba mdah dŭm klei bi mklă, mkra mlih, bi mbŏ êbeh 215 êklai prăk čiăng hluê ngă wưng tal 2 rŭ mdơ̆ng dŭm sang hră Knŭk kna rông ba mlir gưl hriăm ti knông lăn.

VOV.Êđê- Hruê anei 3/8 phŭn pŏk klei kƀĭn êngao hdră tal 1, Bruă Kbĭn ala gưl 16. Mprăp kơ gưl kƀĭn anei, Êpul bi ala Bruă Kbĭn ala dŭm čar Lăn Dap Kngư bi mguôp hŏng dŭm anôk bruă thơ̆ng mă klei blŭ mguôp hŏng dŭm hdră bhiăn, hdră mtrŭn yuôm bhăn. Anei jing bruă ngă čiăng bi lar bruă klam kdrông mkŏ plah wah phung bi ala hŏng mnuih ƀuôn sang, rơ̆ng kơ dŭm klei čuăn hdră bhiăn êjai ba mdah nao klă hŏng boh sĭt, bi mâo djăp klei čuăn đŭ kyar hlăm ênuk mrâo.

VOV.Êđê- Dŭm pluh thŭn leh hruê wĭt kahan, lu phung kahan êka êkeh ti Dak Lak ăt dôk ngă bruă hlăm đang kphê, durian, tiu. Găn klei ruă duam, diñu amâo djŏ knŏng mkŏ mjing bruă duh mkra gŏ sang ôh ƀiădah lŏ myơr lăn mkra mjing, kah mbha klei thâo mkra mjing, đru mkŏ mkra krĭng ƀuôn sang mrâo leh anăn bruă sang čư̆ êa nah gŭ. Phung lĭng kahan hlăk đưm lŏ dơ̆ng duh myơr hlăm klei mă bruă leh anăn mkŏ mkra ƀuôn sang.

VOV.Êđê- Mơ̆ng sa klei mĭn kčưm mơ̆ng klei čiăng hlăm boh sĭt, čar Gia Lai mkŏ mjing leh kdră mnơ̆ng Klei thâo mĭn mơ̆ng anak mnuih mkra mjing (AI) đru kơ bruă msir hră mơar Knŭk kna kơ lăn ala. Leh êbeh 2 mlan ba yua, kdrăp mnơ̆ng anei đru bi mlih hdră ngă hră mơar ti gưl să, ba wĭt lu klei găl kơ mnuih ƀuôn sang.

VOV.Êđê- Anôk bruă gĭt gai pŏk ngă "Hdră bruă 500 hruê mlam mtrŭt mđĭ hdră tui duah, bi kƀĭn leh anăn bi mklă anăn phung kahan djiê êngiă" čar Dak Lak mkŏ mjing klei bi kƀĭn tal sa, bi tŭ ư Hdră ngă bruă, kah mbha bruă klam phung hgŭm leh anăn hdră gĭt gai hdră bruă ti alŭ wăl čar.

VOV.Êđê- Êpul bruă djŏ tuôm să Đăk Pék, čar Quảng Ngãi (kdriêk Đăk Glei, čar Kon Tum hđăp) hmao ƀuh, hrui mƀĭn 1 klang lĭng kahan djiê êngiă ti alŭ 16/5.

VOV.Êđê- Knơ̆ng bruă mtô bi hriăm Dak Lak dôk bi hgŭm hŏng dŭm alŭ wăl mkŏ mjing hdră êlan hrŏng ruah, bi leh hdră êlan ni hriăm ti 3 boh sang hră mlir gưl krĭng knông lăn.

VOV.Êđê- Ƀri bi hdơr 79 thŭn hruê Kahan êka êkeh - Êngiă asei, Đại tướng Phan Văn Giang, Khua Phŭn bruă lĭng kahan mbĭt hŏng êpul ngă bruă nao čuă, mđup brei mnơ̆ng dŭm gŏ sang Knŭk kna dlăng ba ti să Nhân Cơ, čar Lâm Đồng.