VOV4.Êđê-Hlăk mblang, mtô mjuăt hdră bhiăn lăn čar kơ mnuih djiê ƀiă jing sa hlăm dŭm bruă klam yuôm bhăn. Hdră mtrŭn mrô 5210 mơ̆ng knŭk kna kơ bruă djuê ana lač klă, bruă sang čư̆ êa dŭm gưl mâo bruă klam mkŏ mjing leh anăn ngă dŭm hdră hlăk mblang, mtô mjuăt klei bhiăn lăn čar, đru găl guôp hŏng grăp čô leh anăn alŭ wăl krĭng mnuih djuê ƀiă, mbĭt anăn ba yua tŭ dưn dŭm bruă hâo hưn, bi lu jơr hdră hlăk mblang, mtô mjuăt găl guôp hŏng hdră bhiăn djiê ana. Hlăm dŭm krĭng čư̆ čhiăng, mơ̆ng lu thŭn hŏng anei, bruă hlăk mblang, mtô mjuăt hdră bhiăn dưi hluê ngă hŏng lu mta phŭn, klă klơ̆ng, mđĭ klei thâo srăng kơ hdră bhiăn kơ mnuih djuê ƀiă, mbĭt anăn mtrŭt mđĭ bruă duh mkra ala ƀuôn hlăm alŭ wăl ƀrư̆ hruê ƀrư̆ đĭ kyar.

VOV4.Êđê - Kyua hdĭp ti krĭng taih kbưi, alŭ wăl klah hjăn, klei êrô êbat dleh dlan, kyuanăn sa kdrêč mnuih djuê ƀiă ti knông lăn Lai Châu ƀiă dưi hriăm hră mơar, klei thâo săng hdră bhiăn lăn čar adôk êdu kƀah. Kyuanăn, bruă hâo hưn dŭm hdră mtrŭn mơ̆ng Đảng, klei bhiăn lăn čar kơ mnuih ƀuôn sang dôk mâo lu klei dleh kpăk. Ƀiădah, hŏng lu hdră êlan leh anăn klei hâo hưn djŏ guôp, dŭm gưl bruă sang čư̆ êa leh anăn anôk bruă djŏ tuôm ti Lai Châu ƀrư̆ ƀrư̆ đru kơ mnuih ƀuôn sang thâo kơ hdră bhiăn leh anăn hluê ngă djŏ.

VOV4.Êđê- Dŭm thŭn êgao, Keh prăk đru hriăm hră mơar Vừ A Dính mâo lu mta bruă lu jơr, mbruă, tŭ dưn leh anăn ba wĭt boh tŭ klă klơ̆ng. đru mguôp hlăm bruă mđĭ kyar bruă mtô mjuăt bi hriăm krĭng mnuih djuê ƀiă, krĭng čư̆ čhiăng leh anăn plao ksĭ. Ƀri wưng bi hdơr 25 thŭn hruê mkŏ mjing keh prăk đru hriăm hră mơar Vừ A Dính, Khua bruă kƀĭn ala Trần Thanh Mẫn hŏng dŭm êpul êya, grăp čô êdah êdi.

VOV4.Êđê- Mơ̆ng hruê hluê ngă hdră ala čar knăm kơ bruă bi hrŏ ƀun hŏng klei kjăp truh kơ ară anei, grăp thŭn čar Gia Lai bi hrŏ hlăm brô 3% ênoh gŏ êsei ƀun. Klă sĭt brei ƀuh, bruă bi hrŏ ƀun hlăm čar dưi kñăm kơ krĭng mnuih djuê ƀiă, hŏng bruă hluê ngă hrăm mbĭt dŭm hdră êlan leh anăn mtrŭt mjhar mnuih ƀuôn sang bi mlih klei mĭn mă bruă čiăng tlaih ƀuh hŏng klei kjăp.

VOV4.Êđê- Êpul knhuah gru yang ƀuôn mơ̆ng êpul bruă phung mniê să ti Hà Giang mkŏ mjing hŏng mta kñăm hâo hưn, mtrŭt mjhar bi mlih klei mĭn, hdră ngă, lăm lui klei bhiăn amâo mâo djŏ, mtrŭt mđĭ klei mtăp mđơr êkei mniê leh anăn mgaih msir dŭm boh klei mjêč hŏng phung mniê, phung hđeh. Bruă mkŏ mjing Êpul knhuah gru yang ƀuôn čar Hà Giang hlăm 2 thŭn êgao jing sa knhuah đĭ kyar hlăm bruă mtrŭt mđĭ klei mtăp mđơr êkei mniê leh anăn mđĭ kơhưm phung mniê leh anăn phung hđeh, boh nik ti krĭng čư̆ čhiăng, krĭng taih kbưi. Anei jing bruă dôk hlăm hdră mrô 8 “Ngă klei mtăp mđơr êkei mniê leh anăn mgaih msir dŭm boh klei mjêč hŏng phung mniê, phung hđeh” hlăm hdră ala čar kñăm mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng wưng thŭn 2021 – 2030.

VOV4.Êđê- Bruă hluê ngă hdră êlan mrô 8 ti čar Sóc Trăng ăt đru mđĭ hnơ̆ng tŭ jăk klei hdĭp, boh nik bi hrŏ klei kƀah klei hưn mthâo kơ phung mniê leh anăn phung hđeh. Mbĭt anăn mtrŭt mđĭ bruă kriê dlăng, đru kơ phung mniê, phung hđeh krĭng mnuih djuê ƀiă. Ti Kdriêk Mỹ Xuyên, hŏng ênoh mnuih ƀuôn sang 160.000 čô, mnuih Khmer mâo êbeh 33%, hlăm wưng êgao, Êpul bruă phung mniê kdriêk Mỹ Xuyên hur har ngă hdră êlan mrô 8. Lu phung amai adei ti Mỹ Xuyên ară anei jing leh mta phŭn yuôm bhăn đru bi lar tŭ dưn hdră anei.

VOV4.Êđê- Ƀri bi hdơr 94 thŭn hrue mkŏ mjing êpul hgŭm bruă mniê (20/10), Công đoàn pui kmlă Daklak mkŏ mjing leh klei nao čuă čhưn mđĭ ai amĭ Việt Nam jhŏng ktang Thái Thị Tài, ară anei dôk hdĭp ti să Hoà Thắng, Ƀuôn prŏng Buôn Ma Thuột.

VOV4.Êđê - Mđing truh knăm bi hdơr 120 thŭn hruê mkŏ mjing čar Dak Lak mbĭt hŏng hdră mơ̆ng Phŭn bruă kahan ksiêm dôk pŏk ngă, Anôk bruă mặt trận čar Dak Lak iêu mguôp rŭ mdơ̆ng leh 300 boh sang bi hgŭm mguôp đru kơ gŏ snag ƀun, dleh dlan kơ sang dôk ti alŭ wăl.

VOV4.Êđê - Leh 10 thŭn hluê ngă asăp mtrŭn mrô 40 mơ̆ng Êpul khua bruă Đảng kơ bruă mđĭ gĭt klei gĭt gai mơ̆ng Đảng hlăm hdră êlan ngăn prăk, jih jang ênoh brei čan anei ti čar Gia Lai yap truh mlan 6/2024 mâo leh êbeh 7.200 êklai prăk, êbeh 156.500 gŏ sang ƀun, giăm ƀun leh anăn phung knŭk kna dlăng ba dưi lĭng čan čiăng ngă bruă, klei hdĭp mnuih ƀuôn sang dưi mđĭ hĭn klă sĭt. Êngao kơnăn, ênoh prăk anei ăt đru kơ čar Gia Lai ngă dŭm hdră êlan phŭn hlăm alŭ wăl.

VOV4.Êđê - Cao Bằng jing čar čư̆ čhiăng mâo êlan knông lăn dlông, lăn ala dleh dlan hŏng klei čhĭ mnia soh hŏng hdră bhiăn dleh ktuê dlăng. Êngao anăn, ti đa đa krĭng mnuih ƀuôn sang hdĭp mda adôk dleh dlan, kƀah klei thâo săng… anei jing klei găl kơ phung ngă soh čhĭ mnuih ngă bruă. Pŏk ngă Hdră bruă mrô 8, Êpul hgŭm phung mniê čar Cao Bằng mđing mkŏ mjing gru hmô hâo hưn mtô mblang, gang mkhư̆ čhĭ mnuih leh anăn mâo klei tŭ jăk.