VOV.Êđê- Ƀri bi hdơr 79 thŭn hruê Kahan êka êkeh - Êngiă asei, aguah mbruê 27/7, ti Hà Nội, k’iăng khua Bruă Kbĭn ala Nguyễn Thị Thanh bi tuôm hŏng phung amĭ Việt Nam jhŏng ktang, phung lĭng kahan jhŏng ktang, phung mâo bruă tŭ dưn êdah êdi mơ̆ng ƀuôn prŏng Hà Nội, čar Ninh Bình leh anăn Thái Nguyên nao hgŭm hlăm hdră “Hdĭp lă lar hŏng lăn čar”.

VOV.Êđê- Mrâo êgao, hlăm Klei bi kƀĭn tal 4, mbĭt hŏng bruă čih mkra hdră bhiăn, Dhar bruă kƀĭn ala ksiêm dlăng leh Klei hưn mdah bruă mnuih ƀuôn sang akâo mlan 6/2026 hŏng lu mta phŭun djŏ tuôm klă anăp hŏng klei hdĭp mnuih ƀuôn sang. Mơ̆ng bruă mtô bi hriăm, klei doh ê ƀăt mnơ̆ng ƀơ̆ng huă, gang mkhư̆ phung ngă soh, kriê dlăng wăl anôk mnia mblei truh kơ msir mghaih klei kčŭt hưn... jing dŭm boh klei mâo phung bi ala kơ mnuih ƀuôn sang ti lu alŭ wăl hưn mdah hlăm wưng êgao.

VOV.Êđê- Hlăm dŭm hrue kluôm ala mđing kơ klei bi hdơr 79 thŭn hrue phung kahan êka êkeh–phung êngiă asei, ti Daklak, dŭm boh sang mrâo dưi hmao bi leh pioh kơ anak čô mơ̆ng phung tuôm bi blah djŏ êa ruă đioxin. Grăp boh sang jing hnư mnơ̆ng hdơr knga bŏ hŏng klei khăp, đru lăm lui klei luič liê kyua klei bi blah leh anăn lŏ thiăm klei đăo knang čiăng kơ dŭm gŏ sang kjăp knhuang nao hlăm klei hdĭp

VOV.Êđê- Klei bi blah đuĕ leh kbưi, ƀiădah klei luič liê leh anăn klei amâo mâo jăk ăt dôk nanao hlăm klei hdĭp mơ̆ng lu gŏ sang mnuih mâo bruă tŭ dưn hŏng cách mạng ti Gia Lai. Hlue ngă hdră êlan mơ̆ng knŭk kna kơ klei đru lăm lui sang dôk êjai, sang tĭ ƀrôč kơ anak phung ngă bruă krŭ kdơ̆ng djŏ êa drao ruă, dŭm hruê anei, phung knuă druh, lĭng kahan djă phao ktuang hlăk hgŭm kngan bi leh dŭm boh sang huh mđao bŏ hŏng klei khăp, đru bi hdơr kơ phung săn leh asei mlei, duh myơr kyua klei êngiê, hluh lir lăn čar.

VOV.Êđê- Êbeh 300 čô bi ala mnuih mâo bruă tŭ dưn êdah êdi bi ala kơ dŭm êklăk čô kahan êka êkeh, kahan ruă duam, găp djuê phung djiê êngiă lehanăn mnuih mâ bruă tŭ yuôm hlăm djăp krĭng kwar hlăm ala čar nao ti anôk bi kƀĭn.

VOV.Êđê- Ƀri bi hdơr 79 thŭn Hruê kahan êka êkeh–Djiê êngiă (27/7), Knơ̆ng bruă sang čư̆ êa čar Dak Lak mkŏ mjing leh lu êpul nao čuă êmuh, mđĭ ai leh anăn mđup brei dŭm hnư mnơ̆ng yuôm bhăn kơ phung knŭk kna dlăng ba hlăm kluôm čar.

VOV.Êđê- Ti anôk êmuh klei bi kƀĭn tal 2, Êpul gơ̆ng bruă ƀuôn sang čar Dak Lak gưl X mđing kơ lu bruă “phŭn” hlăm anăn êdah êdi jing hdră msir mkra mđĭ wăl anôk duh bi liê, mnia mblei, đru kơ anôk bruă duh mkra krŭ wĭt leh anăn mjing boh kdrŭt đĭ kyar.

VOV.Êđê- Knŏng ka bŏ sa mlan čiăng bi leh leh anăn jao sang hră knŭk kna rông ba mnuih djuê ƀiă ti dŭm să knông lăn Ia R'vê, Ia Lốp leh anăn Buôn Đôn, čar Dak Lak. Hlăm dŭm anôk rŭ mdơ̆ng, dŭm êtuh čô phung ngă bruă hdră mnêč, mnuih mă bruă hŏng êpul lĭng kahan dôk mkŏ mjing rŭ mdơ̆ng nanao, gĭr bi leh jih jang mta bruă êlâô kơ hruê 31/7, mjing klei găl kơ bruă sang hră dăp kdrăp mnơ̆ng, srăng drông êƀeh 3000 čô hđeh sang hră mŭt hlăm thŭn hriăm 2026-2027.

VOV.Êđê- Mâo dŭm bruă klam amâo mkă hŏng hnơ̆ng bruă mă amâodah hruê mmông bi leh, ƀiădah dưi mkă hŏng klei hdơr knga leh anăn bruă klam hŏng phung săn leh asei kyua čar kwar. Hlue ngă hdră 500 hruê mlam mđĭ klei tui duah, bi mƀĭn leh anăn bi mklă anăn klang phung djiê êngiă, gưl tal êlâo lu phung knuă druh, lĭng kahan leh anăn knuă druh alŭ wăl ti čar Gia Lai ngă bruă klam mdê hjăn: mă mta ADN mơ̆ng klang phung êngiă asei. Mơ̆ng dŭm mnĭt mmông ka thâo lu, diñu hrăm mbĭt đru mguôp hlăm hdră lŏ tui duah anăn kơ phung jhŏng ktang, êngiă asei, phung djiê leh kyua klei hnŭk êngiê kơ djuê ana.

VOV.Êđê- Yan hrui êmiêt boh durian dôk giăm truh, klei yăl dliê mrô krĭng pla, anôk đŭng hruh, bi mklă phŭn agha lehanăn pŏk mlar wăl anôk mnia mblei dôk jing dŭm bruă mâo anôk bruă lŏ hma leh anăn dŭm alŭ wăl ti Lăn dap kngư mđing msir mghaih.