Kluôm čar ară anei mâo 424 kŭm păn amâo djăp klei găl ngă bruă kyua kŭm păn amâo ngă djŏ klei kčah čih anăn, ksiêm dlăng, mkăp hră ngă bruă amâodah mă bruă amâo djŏ.  Mơ̆ng anăn, êbeh 2.100 čô jing pô kŭm păn leh anăn phung mă bruă hlăm kŭm păn hmăi djŏ. Hlue si Hdră mtrŭn mơ̆ng Êpul gơ̆ng bruă ƀuôn sang čar Gia Lai, grăp pô kŭm păn mâo đru 3 êklăk prăk/mlan leh anăn 30 kg braih/ čô/ mlan kơ phung mă bruă hmăi djŏ, hlăm wưng 4 mlan.

Ênoh bi liê mĭn tĭng êbeh 8,84 êklai prăk mơ̆ng prăk knŭk kna alŭ wăl. Hdră êlan anei kñăm đru kơ phung trah mă kan mâo thiăm klei găl hơĭt klei hdĭp mda, bi mlih bruă djŏ guôp, mbĭt anăn đru ruh mgaih klei hưn brei răng “hră kñĭ” mơ̆ng Knơ̆ng bruă Ơ Rôp (EC) kơ klei mă kan hdang soh hdră bhiăn (IUU), mđing kơ mđĭ kyar bruă rông kan hơĭt kjăp leh anăn hlue ngă kjăp klei lu ala čar kčah mtrŭn.