Mơ̆ng ară anei truh Tết Nguyên đán Bính Ngọ 2026, să Măng Ri srăng bi leh mdơ̆ng mrâo 80 boh sang kơ mnuih ƀuôn sang. Grăp boh sang mdơ̆ng mrâo srăng mâo đru 60 êklăk prăk/gŏ êsei leh anăn ba nao êpul đru mdơ̆ng sang, rơ̆ng kơ mnuih ƀuôn sang hnưm hơĭt anôk dôk mrâo.

Phạm Xuân Quang, Khua Knơ̆ng bruă sang čư̆ êa să Măng Ri, brei thâo, hŏng klei ngă bruă jih hnơ̆ng leh anăn ai tiê bi hgŭm mơ̆ng mnuih ƀuôn sang, Măng Ri srăng hnưm bi leh bruă lŏ mdơ̆ng anôk dôk mrâo, đru kơ mnuih ƀuôn sang hmao drông Tết Nguyên đán Bính Ngọ 2026 hlăm klei găl êđăp ênang, treo mđao.