Tlam 3/12, ti Anôk bruă Đảng Gưl dlông, Khua gĭt gai Đảng Tô Lâm gĭt gai Hdră mă bruă hŏng dŭm Phŭn, dhar bruă kñăm bi trông kơ hdră msir dlăng kriê, đru kơ mnuih amâo jăk asei mlei. Ala čar drei ară anei mâo hlăm brô 7,2% ênoh mnuih amâo jăk asei mlei, bi knar 8 êklăk čô, hlăm anăn êbeh 1 êklăk čô amâo jăk asei mlei kjham mbĭt hŏng hlăm brô 600 êbâo čô hđeh mâo klei amâo jăk mdê mdê.

Klah čŭn ti anôk bi kƀĭn, Khua gĭt gai Đảng Tô Lâm mñă bruă dlăng kriê mnuih amâo jăk asei mlei amâo djŏ knŏng bi êdah klei khăp ƀiădah lŏ jing giê mkă klei kreh dhar, jing klei čiăng mơ̆ng hdră mđĭ kyar hơĭt kjăp lehanăn ñŭ kma tar rŏng lăn. Dŭm thŭn êgao, lu hdră êlan mtrŭn, hdră đru, krŭ wĭt klei dưi, mjuăt bi hriăm hdră ñŭ kma, mjing hdră duh ƀơ̆ng mđĭ lar leh boh tŭ dưn. Khua gĭt gai Đảng mtă kơ dŭm Phŭn, dhar bruă lehanăn alŭ wăl bi leh hdră msir, mđĭ boh tŭ hdră dưi dưn bruă mdrao mgŭn, krŭ wĭt klei suaih pral lehanăn dŭm hdră mtrŭn đru kơ ala ƀuôn kñăm rơ̆ng boh tŭ dưi kơ mnuih amâo jăk asei mlei./.